May 22, 2024
પંજાબ(Punjab): આમ આદમી પાર્ટી(Aam Aadmi Party)એ ક્રિકેટર હરભજન સિંહ(Harbhajan Singh) ને રાજ્યસભાના(Aam Aadmi Party Rajyasabha Candidate) ઉમેદવાર તરીકે નોમિનેટ કર્યા છે. પંજાબમાં AAPની સરકાર બન્યાના બીજા જ દિવસે અરવિંદ કેજરીવાલે આ જાહેરાત કરી હતી. કહેવામાં આવી રહ્યું છે કે હરભજન સિંહને બીજી મહત્વની જવાબદારી સોંપતી વખતે આમ આદમી પાર્ટી સ્પોર્ટ્સ યુનિવર્સિટીની કમાન પણ તેમને સોંપી શકે છે. પંજાબના નવા ચૂંટાયેલા મુખ્યમંત્રી ભગવંત માને બુધવારે શપથ લીધા બાદ રાજ્યમાં રમતગમતને પ્રોત્સાહન આપવાની જાહેરાત કરી છે. ભંગવત માન અને હરભજન સિંહને સારા મિત્રો માનવામાં આવે છે. હરભજને ચૂંટણીમાં આમ આદમી પાર્ટી અને ભગવંત માનની જીત પર ટ્વીટ કરીને શુભેચ્છા પણ પાઠવી હતી.
તમને જણાવી દઈએ કે, આ મહિનાના અંત સુધીમાં આમ આદમી પાર્ટીને રાજ્યસભા માટે પાંચ સીટો મળવા જઈ રહી છે, જેના માટે પહેલા ઉમેદવાર તરીકે ભજ્જીનું નામ સામે આવ્યું છે, જેને પાર્ટી હાઈકમાન્ડે પણ મંજૂરી આપી દીધી છે. . ટેસ્ટ ક્રિકેટમાં સૌથી વધુ વિકેટ લેનાર ચોથા ભારતીય બોલર હરભજન સિંહની રાજનીતિમાં જોડાવાની ચર્ચાઓ ઘણા સમયથી ચાલી રહી હતી.
સિદ્ધુના ટ્વીટથી ખળભળાટ મચી ગયો છે
પંજાબની ચૂંટણીની ઘોષણા સમયે, હરભજન સિંહે ક્રિકેટમાંથી નિવૃત્તિની જાહેરાત કરી હતી, ત્યારબાદ એવું માનવામાં આવી રહ્યું હતું કે ભજ્જી પંજાબની રાજનીતિ સાથે તેની નવી ઇનિંગ શરૂ કરી શકે છે. આ ચર્ચા ત્યારે વધુ તીવ્ર બની જ્યારે તત્કાલિન કોંગ્રેસ અધ્યક્ષ નવજોત સિંહ સિદ્ધુએ ભજ્જી સાથેની તેમની મુલાકાતની તસવીર શેર કરી. સિદ્ધુએ તેની સાથે લખ્યું, ‘સંભવિતતાઓથી ભરેલી તસવીર.’ જોકે, આવું કંઈ થયું નથી.
ભજ્જીએ થોડા સમય પહેલા જ સ્પષ્ટ કર્યું હતું કે તે ચૂંટણી નહીં લડે અને તેના રાજકીય ભવિષ્ય વિશે કોઈ ચોક્કસ ટિપ્પણી કરી ન હતી. તે જ સમયે, તેણે એ પણ સ્પષ્ટ કર્યું હતું કે તેમની નિવૃત્તિની જાહેરાત અને પંજાબની ચૂંટણી વચ્ચે કોઈ સંબંધ નથી. ભજ્જીએ નિવૃત્તિની જાહેરાત કરતી વખતે કહ્યું હતું કે તે રાજકારણ અથવા અન્ય કોઈપણ માધ્યમથી પંજાબની સેવા કરવા માંગે છે. તેણે એમ પણ કહ્યું હતું કે તે વિચારશે કે તે કોઈ પાર્ટીમાં જોડાશે કે નહીં.
નીચે આપેલી લીંક પર ક્લિક કરીને જોડાઓ ત્રિશુલ ન્યૂઝ Trishul News સાથે. અમારું ફેસબુક પેજ લાઈક કરો અને ફોન પર અપડેટ્સ મેળવતા રહો. વોટ્સેપ પર સમાચાર મેળવવા અહીં ક્લિક કરીને Hi લખી મેસેજ કરો.
Trending News
