IPL 2024 પહેલા દિલ્હી કેપિટલ્સને લાગ્યો મોટો ઝટકો, આ સ્ટાર ખેલાડી ટુર્નામેન્ટમાંથી બહાર

IPL 2024: ઋષભ પંત ફિટ થયા બાદ રાહતનો શ્વાસ લઈ રહેલી દિલ્હી કેપિટલ્સ (DC)ને ઈન્ડિયન પ્રીમિયર લીગ (IPL 2024) ની નવી સીઝનની શરૂઆત પહેલા જ બે મોટા આંચકાઓ લાગ્યા છે.આ વખતે દક્ષિણ આફ્રિકાનો ઝડપી બોલર લુંગી એનગિડી ટૂર્નામેન્ટમાંથી બહાર થઈ ગયો છે. ગિડીને ઈજાના કારણે આઈપીએલની આ સિઝનમાંથી ખસી જવું પડ્યું હતું. તે 2022 થી દિલ્હી કેપિટલ્સ સાથે સંકળાયેલો છે. આ પહેલા હેરી બ્રુકે પણ અંગત કારણોસર આ લીગમાંથી પોતાનું નામ પાછું ખેંચી લીધું હતું.

સિઝનની શરૂઆત પહેલા બીજો આંચકો
છેલ્લા 3 દિવસમાં દિલ્હીમાં આ બીજો ફટકો છે. લુંગી ગીડીની જગ્યાએ તેણે ઓસ્ટ્રેલિયાના ઓલરાઉન્ડર ફ્રેઝર મેકગર્કને ટીમમાં સામેલ કર્યો છે. 21 વર્ષીય મેકગર્ક મેલબોર્નનો છે, જેણે તાજેતરમાં જ સિડની ક્રિકેટ ગ્રાઉન્ડ ખાતે વેસ્ટ ઈન્ડિઝ સામે વનડેમાં ડેબ્યૂ કર્યું હતું. દિલ્હીએ મેકગર્કને 50 લાખ રૂપિયાની ‘રિઝર્વ’ રકમમાં ટીમમાં સામેલ કર્યો હતો.

લુંગી ગીડી પગની ઘૂંટીની ઈજા સાથે સંઘર્ષ કરી રહ્યો છે
ગીડી છેલ્લા એક વર્ષથી પગની ઘૂંટીની ઈજાથી પીડાઈ રહ્યો છે. તેણે આઈપીએલમાં અત્યાર સુધી 14 મેચ રમી છે અને 25 વિકેટ લીધી છે. આ 27 વર્ષીય ફાસ્ટ બોલર 2018થી આ લીગમાં રમી રહ્યો છે. તે પ્રથમ 4 સીઝન (2018-2021) માટે ચેન્નાઈ સુપર કિંગ્સ (CSK) નો ભાગ હતો. દિલ્હી કેપિટલ્સે તેને સીઝન 2022થી પોતાની ટીમનો ભાગ બનાવ્યો હતો.

દિલ્હી કેપિટલ્સમાં સ્ટાર બેટ્સમેનની એન્ટ્રી થઈ
27 વર્ષીય લુંગી એનગિડીએ છેલ્લા મહિને SA20ના પ્લેઓફ દરમિયાન ઈજા પહોંચી હતી. લુંગી એનગિડી હાલ ક્રિકેટ દક્ષિણ આફ્રિકા (CSA)ની મેડીકલ ટીમની દેખરેખમાં છે અને પોતાની ટીમ મોમેંટમ મલ્ટીપ્લી ટાઈટન્સની સાથે પુનર્વસનથી ગુજરી રહ્યા છે. લુંગી એનગિડીના સીએસએ ટી20 ચેલેન્જના બીજા ભાગમાં રમવા માટે પાછા ફરવાની આશા છે. જેક ફ્રેજર-મેકગર્કે ઓસ્ટ્રેલિયા માટે બે વનડે મેચ રમી છે. તેઓ 50 લાખ રૂપિયાના બેઝ પ્રાઈઝ પર દિલ્હીમાં સામેલ થયા. ફ્રેજર-મેકગર્કે આઈએલટી20 2024માં દુબઈ કેપિટલ્સ, ડીસીની ફ્રેન્ચાઈઝીનું પ્રતિનિધિત્વ કર્યુ હતુ અને ટીમમાં શાનદાર પ્રદર્શનથી પોતાની છાપ છોડી હતી.