મિત્રોએ મોબાઈલ ચોરીનો આરોપ મુકતા યુવકે આપઘાત કરી લીધો

દાણીલીમડામાં કારખાનામાં કામ કરતાં 22 વર્ષીય યુવક ઉપર તેની સાથે કામ કરતાં બે મિત્રોએ મોબાઈલ ચોરીનો આક્ષેપ લગાવ્યો હતો. જેને લીધે તેને લાગી આવતા તેમણે મોબાઈલ ફોનમાં રેકોર્ડીંગ કરીને આપઘાત કરી લીધો હતો. આ વિશે દાણી લીમડા પોલીસ દ્વારા બે શખ્સો વિરૂધ્ધ ગુનો નોંધીને તપાસ હાથ ધરવામાં આવી છે.

દાણીલીમડામાં V.P.એક્ઝીમ નામનાં વોશીંગનાં કારખાનામાં રાજસ્થાનનો આકાશ એ.તોમર)22) તેમજ તેનો ભાઈ પણ તેની સાથે કામ કરતો હતો તેમજ બંને કારખાનાનાં ટેરેસ ઉપર ઉંઘી રહેતા હતા. આ કારખાનામાં હરીઓમ ઉર્ફે ગોલુ આર.તોમર તેમજ તેનો ભાઈ સંતોષ આર.તોમર પણ કામ કરતા તેમજ તેઓ પણ રાજસ્થાનનાં વતની છે.

23 સપ્ટેમ્બરનાં દિવસે આકાશ દ્વારા તેનાં પિતરાઈ ભાઈ તેમજ નરોડામાં રહેતાં બ્રિજેશ એમ.સીસોદીયાને ફોન કરીને કહેવામાં આવ્યું હતું કે, તેની સાથે કારખાનામાં કામ કરતા હરીઓમ તેમજ સંતોષ મારી ઉપર મોબાઈલ ચોરીનો ખોટો આક્ષેપ મુકીને મારવાની ધમકી આપે છે તેમજ ખોટા કેસમૉં ફસાવી દેશે, તેવું કહે છે. ઉપરાંત આકાશે કહ્યું હતું કે, અમુક દિવસ અગાઉ પણ બંનેએ મને ચોર કહીને બદનામ કરી નાંખ્યો હતો.

એ પછી 25 સપ્ટેમ્બરનાં દિવસે આકાશે ગળાફાંસો ખાઈને આપઘાત કર્યો હતો. એ પછી આકાશનાં ભાઈએ બ્રિજેશને કહ્યું હતું કે, હરીઓમ તેમજ તેનો ભાઈ સંતોષ મોબાઈલ ફોન ચોરીનાં ખોટા આક્ષેપ મુકીને પોલીસ કેસમાં ફસાવવાની ધમકી આપતાં હતાં જેના લીધે આકાશને લાગી આવતા કારખાનાનાં ધાબા ઉપર ગળાફાંસો ખાઈ લીધો.