બર્થડે પાર્ટીની આડમાં ચાલી રહેલી દારૂની મહેફિલમાં 13 નબીરાઓ નશાની હાલતમાં ઝડપાઈ- સારા ઘરની છોકરીઓ એવી હાલતમાં હતી કે…

ન્યુ ગાંધીનગર વિસ્તારમાં આવેલા સ્વાગત એફોર્ડ સોસાયટીમાં બર્થડે પાર્ટીની ધૂમધામથી ઉજવણી કરવામાં આવી રહી હતી. જેમાં બર્થડેની આડમાં દારૂની મહેફિલ માણતા કર્ણાવતી ડેન્ટલ હોસ્પિટલ ખાતે રહેતા યુવક યુવતી સાથે મળીને 13 નબીરા ઈન્ફોસિટી પોલીસે રંગે હાથે બર્થડે પાર્ટીમાં દારૂ સાથે ઝડપી લીધા છે. ઉલ્લેખનીય છે કે બર્થડે પાર્ટીમાં નશામાં ચૂર થઈ રહેલા પાર્ટીના ઉન્માદમાં મ્યુઝિક સિસ્ટમ ખુબ જ જોરશોરથી વગાડી રહ્યા હતા. જેના કારણે તેની આજુબાજુમાં રહેતા વસાહતીઓએ રેડ પડાવીને દારૃની મહેફિલમાં ભંગ પડાવ્યો હતો.

બર્થડે પાર્ટીની પોલીસને ફરિયાદ મળતા તાત્કાલિત ઘટનાસ્થળે પહોંચી હતી.
ઇન્ફોસિટી પોલીસ સ્ટેશનને કંટ્રોલ રૂમમાંથી ફરિયાદ મળી હતી કે સ્વાગત એફોર્ડ સોસાયટી ફ્લેટ નં એક્ષ-501માં કેટલાક છોકરાઓ અને છોકરીઓ ભેગા મળીને બર્થડે પાર્ટીની જોરજોરથી સ્પિકર વગાડીને ઉજવણી કરી રહ્યા છે જેના કારણે આજુબાજુમાં ખુબ જ અવાજ આવી રહ્યો છે. જેની ફરિયાદ નોંધાતા પીઆઈ પી.પી. વાઘેલાની આદેશ આપતાની સાથે જ શેતાનસિંહ દશરથસિંહ સહિતના સ્ટાફના માણસો આ સ્થળ પર તાત્કાલિક પહોચ્યા હતા.

જ્યાં ફ્લેટ નં એક્ષ-501માં છોકરા છોકરીઓ દારૂના નશામાં તલ્લી થયેલી હતાલમાં મળી આવ્યા હતા. વધુમાં પોલીસ દ્વારા જાણવા મળ્યું છે કે એક યુવતી દારૂના નશામાં એટલી ચકચૂર થઈ હતી કે તે પલંગ પર બેભાનની હાલતમાં પડેલી મળી હતી. તે ઉપરાંત ત્યાં સમ્રાટ નમકીનના પડીકા તેમજ ત્યાં ઇંગ્લિશ દારૂની ઘણી બધી ખાલી કાચની બોટલ તથા દારૂ પી ને પડેલા પ્લાસ્ટીકના ગ્લાસ પણ મળી આવ્યા હતા.