ચુંટણી પહેલા જ AAPને લાગી શકે છે મોટો ઝટકો- જાણો ક્યાં નેતા પાર્ટી છોડવાની કરી રહ્યા છે તૈયારી

ગુજરાત(Gujarat): રાજ્યની વિધાનસભાની ચૂંટણી પહેલા સૌરાષ્ટ્ર(Saurashtra)માં આમ આદમી પાર્ટી(AAP)ને મોટો ઝટકો લાગી શકે છે તેવા સમાચાર સુત્રો પાસેથી મળી રહ્યા છે. ઇન્દ્રનીલ રાજ્યગુરુ બાદ રાજભા ઝાલા પણ આમ આદમી પાર્ટી સાથે છેડો ફાડી શકે છે. આજે રાજકોટ(Rajkot)માં અરવિંદ કેજરીવાલ(Arvind Kejriwal)ના કેમ્પ અને રોડ શોમાં પણ રાજભા નહીં જોડાય તેવી પણ પ્રબળ શક્યતાઓ દેખાઈ રહી છે.

બે દિવસ પહેલા જ રાજભા ઝાલા દ્વારા આરોપ લગાવવામાં આવ્યો હતો કે ‘આમ આદમી પાર્ટીમાં નવા નેતા આવે એટલે જૂના નેતાને સાઈડલાઈન કરવામાં આવે છે. સૂત્રો પાસેથી મળતી માહિતી અનુસાર, રાજભા ઝાલાએ ગઈકાલે સમર્થકોની બેઠક બોલાવી અને 14 નવેમ્બર પછી AAP પાર્ટીને અલવિદા કહેશે તેવું બેઠક બાદ નક્કી કરવામાં આવ્યું છે.

બે તબક્કામાં થશે મતદાન:
ગુજરાતમાં પ્રથમ તબક્કાનું મતદાન 1 ડિસેમ્બરે અને બીજા તબક્કાનું મતદાન 5 ડિસેમ્બરે થવાનું છે. ગુજરાત વિધાનસભાની ચૂંટણીનું પરિણામ 8 ડિસેમ્બરે જાહેર થશે અને સાથે જ હિમાચલ પ્રદેશની ચૂંટણીનું પરિણામ પણ 8 ડિસેમ્બરે જાહેર કરવામાં આવશે.