Gujarat Election Result 2022 Live: હાર્દિક પટેલ પાછળ ચાલી રહ્યા છે તો જાણો અલ્પેશ કથીરિયાની શું છે સ્થિતિ?

ગુજરાત(Gujarat): રાજ્યની વિધાનસભા ચૂંટણી જાહેર થયાના બે મહિના પહેલા જ ચૂંટણીની જાહેરાતની ભારે ઉત્સુકતા જોવા મળી હતી. અંતે ચૂંટણીપંચ દ્વારા 3 નવેમ્બરે ચૂંટણી જાહેર કરતા તમામ લોકોની આતુરતાનો અંત આવ્યો હતો. ત્યાર બાદ 1 ડિસેમ્બરના રોજ સૌરાષ્ટ્ર-કચ્છ અને દક્ષિણ ગુજરાતની 89 સીટ પર જ્યારે 5 ડિસેમ્બરના રોજ ઉત્તર ગુજરાત અને મધ્ય ગુજરાતની 93 સીટ પર મતદાન થયું હતું. જેમાં અનુક્રમે 63.31 અને 65.30 % મતદાન થયું હતું. જેનું સરેરાશ મતદાન 64.30 % થાય છે. જે ગઈ ચૂંટણી કરતા 4 % જેટલું ઓછું ગની શકાય. જેની સવારના 8 વાગ્યાથી 37 મતગણતરી કેન્દ્રો પર 182 સીટની મતગણતરી શરૂ થઈ ગઈ છે. આ ચૂંટણી પરિણામમાં મુખ્યમંત્રી સહિત 20 મંત્રીઓ મળીને કુલ 1621 ઉમેદવારનું રાજકીય ભાવિ નક્કી થશે.

મળતી માહિતી અનુસાર, વિરમગામથી ભાજપના ઉમેદવાર હાર્દિક પટેલ પાછળ છે. કતારગામથી આપના પ્રદેશ અધ્યક્ષ ગોપાલ ઇટાલિયા આગળ ચાલી રહ્યા છે. પોસ્ટલ બેલેટમાં ઇસુદાન ગઢવી અને પબુ ભા માણેક આગળ ચાલી રહ્યા છે. વરાછાથી આપના અલ્પેશ કથીરિયા આગળ ચાલી રહ્યા છે. ધાનાણી, વિરજી ઠુંમર અને અંબરિષ ડેર આગળ દેખાઈ રહ્યા છે.

સમગ્ર મતગણતરી પ્રક્રિયા દરમિયાન 182 કાઉન્ટિંગ ઓબ્ઝર્વર્સ, 182 ચૂંટણી અધિકારી અને 494 મદદનીશ ચૂંટણી અધિકારી ફરજ પર હાજર રહેશે. આ મતગણતરી હેઠળ રિટર્નિંગ ઑફિસર/આસિસ્ટન્ટ રિટર્નિંગ ઑફિસર, ઉમેદવાર-કાઉન્ટીંગ એજન્ટ્સ તથા ચૂંટણી પંચ દ્વારા નિમણૂંક પામેલા ઑબ્ઝર્વર્સની ઉપસ્થિતિમાં સ્ટ્રોંગરૂમમાંથી EVM બહાર કાઢી કાઉન્ટીંગ હોલમાં ગોઠવી દેવામાં આવ્યા છે.

182 વિધાનસભા બેઠકોનું આજે પરિણામ:
ગુજરાત વિધાનસભાની કુલ 182 વિધાનસભા બેઠકો છે. જેમાં ઉત્તર ગુજરાતની 32 બેઠકો, દક્ષિણ ગુજરાતની 35 બેઠકો, મધ્ય ગુજરાતની 61 અને સૌરાષ્ટ્ર-કચ્છની 54 બેઠકો સામેલ છે.