ગિફ્ટ સિટીમાં યોજાયેલ ફિલ્મફેર એવોર્ડમાં ગુજરાતી કલાકારે છૂટથી પીધો- કહ્યું બિયર અને વેજ-નોનવેજ ટોપ હતું…

Gujarati Artist Sanjay Goradiya: ગાંધીના ગુજરાતમાં દારૂબંધી નામષેશ થવા જઈ રહી છે કેમકે, ખુદ રાજ્ય સરકાર જ છુટથી દારૂ વેચાય તે મતમાં છે. ગાંધીનગરમાં ફિલ્મફેર એવોર્ડ સમારોહ વખતે ગિફ્ટ સિટી કલબમાં કલાકારોથી માંડીને આમંત્રિતો માટે દારૂની મહેફિલ માંડી હતી. ગુજરાતી કલાકાર સંજય ગોરડિયાએ(Gujarati Artist Sanjay Goradiya) ફેસબુક પર ફોટા સાથે એ વાતની કબૂલાત કરી કે, ઇતિહાસમાં પહેલીવાર ગુનાહિત લાગણી વગર ગુજરાતમાં દારૂ પીધો.

ગિફ્ટ સિટીમાં ફિલ્મફેર 2024 એવોર્ડ યોજાયો હતો
ગિફ્ટ સિટીમાં ‘વાઈન એન્ડ ડાઇન’ ફેસિલિટી ઉપલબ્ધ કરાવવા પ્રોહિબિશનના નિયમોમાં ફેરફાર કરવા ઉચ્ચ કક્ષાએ મહત્ત્વનો નિર્ણય કર્યો છે. ત્યારે હાલમાં જ ગાંધીનગર સ્થિત ગિફ્ટ સિટીમાં ફિલ્મફેર 2024 એવોર્ડ યોજાયો હતો, આ દરમિયાન ફિલ્મસ્ટારનો જમાવડો થયો હતો. બોલિવૂડ સેલેબ્સની સાથે સાથે ઘણા ગુજરાતી કલાકારોએ પણ આ એવોર્ડ ફંક્શનમાં હાજરી આપી હતી અને ગિફ્ટ સિટીના મહેમાન બન્યા હતા.

આ દરમિયાન આગંતુકો માટે દારૂની પણ વ્યવસ્થા કરવામાં આવી હતી. એક ગુજરાતી કલાકારે પણ મહેફિલની મજા માણી. આ ગુજરાતી કલાકાર બીજુ કોઇ નહિ પણ સંજય ગોરડિયા છે. સંજય ગોરડિયા પણ ફિલ્મફેર એવોર્ડ માટે ગાંધીનગર આવ્યા હતા અને આ દરમિયાન તેમણે પણ ખૂબ મજા માણી હતી. સંજય ગોરડિયાએ ફેસબુક પર બે તસવીરો શેર કરી છે, જેમાંથી એક તસવીરમાં તેમના હાથમાં બિયર જોવા મળી રહી છે.