ગુજરાતના આ શહેરમાં બનશે ભારતનો સૌથી મોટો મૉલ, LuLu Group રાજયમાં 4 હજાર કરોડનું કરશે રોકાણ- વાઈબ્રન્ટમાં એલાન

India largest LULU mall will be built in Ahmedabad: વિશ્વની સૌથી ઊંચી પ્રતિમા અને ક્રિકેટ સ્ટેડિયમ પછી હવે ગુજરાતમાં દેશનો સૌથી મોટો મોલ બનવા જઈ રહ્યો છે. વાઈબ્રન્ટ ગુજરાત ગ્લોબલ સમિટ 2024માં લુલુ ગ્રુપે અમદાવાદમાં (India largest LULU mall will be built in Ahmedabad) દેશનો સૌથી મોટો મોલ બનાવવાની જાહેરાત કરવામાં આવી છે. વાઈબ્રન્ટ સમિટમાં રૂ. 4,000 કરોડના રોકાણની જાહેરાત કરવામાં આવી છે. ત્યારે હાલ આલ્ફા વન એ અમદાવાદનો સૌથી મોટો મોલ છે.

અમદાવાદને ગુજરાતની આર્થિક રાજધાની ગણવામાં આવે છે. તે 12 લાખ ચોરસ ફૂટમાં બનેલ છે. તેના નિર્માણ પાછળ 350 કરોડ રૂપિયાનો ખર્ચ કરવામાં આવ્યો હતો. લુલુ ગ્રુપે જણાવ્યું છે કે મોલનું નિર્માણ કાર્ય 2024માં શરૂ કરવામાં આવશે. આ મોલ અમદાવાદના એસપી રીંગ રોડ પર બને તેવી અપેક્ષા છે.

અમદાવાદની જરૂરિયાતો પૂરી થશે
લુલુ ગ્રુપે અમદાવાદમાં મોલ બનાવવાની પોતાની ઈચ્છા વ્યક્ત કરી હતી. ગ્રુપના ચેરમેન યુસુફ અલીએ વાઈબ્રન્ટ સમિટમાં આ મહત્વની જાહેરાત કરી દેવામાં આવી છે. અમદાવાદમાં બંધાનારા આ મોલને વિશ્વની તમામ મોટી બ્રાન્ડ ઉપલબ્ધ સાથે વિશ્વ કક્ષાના મનોરંજન સ્થળ તરીકે વિકસાવવામાં આવી રહ્યું છે. આ મોલમાં લોકોના મનોરંજન માટે મોટા પાર્કિંગ, વધુ મલ્ટીપ્લેક્સ સાથે વધુ વ્યવસ્થા કરવામાં આવી રહી છે. રાજ્ય સરકારને આશા છે કે આ મોલના નિર્માણથી રાજ્યના સૌથી મોટા શહેર અને નાણાકીય કેન્દ્રની તમામ જરૂરિયાતો પૂરી થઈ શકે છે. અમદાવાદ હેરિટેજ સિટી તરીકે ઓળખાય છે. અહીં આવતા પ્રવાસીઓ એક જ જગ્યાએ તમામ બ્રાન્ડ મેળવી શકશે.