ગૃહમંત્રી અમિત શાહે એમની સારવાર કરનાર ડોક્ટરને લખ્યો પત્ર -જાણો આ પત્રમાં શું લખ્યું હતું… 

ગૃહ પ્રધાન અમિત શાહ પણ કોરોના વાયરસથી સંક્રમિત થયા હતા. કોરોના ચેપ લાગ્યાં બાદ અમિત શાહને સારવાર માટે AIIMSમાં દાખલ કરવામાં આવ્યા હતા. અમિત શાહ સ્વસ્થ થયા બાદ ઘરે પરત ફર્યા છે. હવે અમિત શાહે ડોક્ટરનો આભાર માન્યો છે જેણે તેની સારવાર કરી હતી.

અમિત શાહ અને તેમની પત્ની સોનલ શાહે વર્ધમાન મહાવીર મેડિકલ કોલેજ અને સફદરજંગ હોસ્પિટલના ડોક્ટર સિદ્ધાર્થને પત્ર લખ્યો છે. આ પત્રમાં અમિત શાહે લખ્યું છે કે, કોરોના ચેપને કારણે તેમને હોસ્પિટલમાં દાખલ કરવામાં આવ્યા હતા.

અમિત શાહે ડો.સિદ્ધાર્થને લખેલા પત્રમાં લખ્યું છે કે, ભગવાનની કૃપા અને તમારા પ્રયત્નોથી હવે હું સ્વસ્થ રીતે મારા નિવાસસ્થાન પરત ફર્યો છું. ગૃહ પ્રધાને કહ્યું છે કે, તમે સતત બે અઠવાડિયા રાત-દિવસ જે રીતે મારી સંભાળ લીધી તેના માટે મારી પાસે શબ્દો નથી.

તેમણે કહ્યું છે કે, હું અને મારું કુટુંબ તમારી સેવા, સમર્પણ અને કરુણા માટે હૃદયપૂર્વક આભારી છીએ. સોનલ અને અમિત અમિત શાહે ડોક્ટરનો આભાર માન્યો અને કહ્યું કે, તમારે સમાન ભાવનાથી માનવતા અને રાષ્ટ્રની સેવા કરવાનું ચાલુ રાખવું જોઈએ.