કેન્દ્રીય ગૃહમંત્રી અમિત શાહે મંત્રીઓ સાથે કરી ઉચ્ચ સ્તરીય બેઠક, આ રાજ્યોની વીજળી થઇ શકે છે ડુલ

દેશમાં કોલસાની અછત(Coal Crisis)ને કારણે ઘણા રાજ્યોમાં વીજળીની કટોકટીની આશંકા વચ્ચે સોમવારે એટલે કે આજે ગૃહ મંત્રાલય(Home Ministry)ની એક મોટી બેઠક યોજાઈ હતી. ગૃહમંત્રી અમિત શાહ(Amit Shah)ની અધ્યક્ષતામાં યોજાયેલી આ બેઠકમાં કોલસા મંત્રી પ્રહલાદ જોશી(Pralhad Joshi) અને ઉર્જા મંત્રી આર.કે. સિંહ(RK Singh) સહિત એનટીપીસીના ઘણા વરિષ્ઠ અધિકારીઓએ પણ હાજરી આપી હતી. આ બેઠક લગભગ દોઢ કલાક સુધી ચાલી હતી.

દેશભરમાં વીજ કટોકટી અને કોલસાની અછતનો મુદ્દો પ્રકાશમાં આવ્યા બાદ ગૃહમંત્રી અમિત શાહે આ મુદ્દે ચર્ચા કરવા માટે તાકીદની બેઠક બોલાવી હતી. બેઠકમાં અધિકારીઓએ ગૃહમંત્રીને દેશમાં હાલની પરિસ્થિતિ અને કોલસાના ભંડાર વિશે માહિતી પૂરી પાડી હતી.

આ બેઠક એવા સમયે આવી છે જ્યારે દિલ્હી, પંજાબ અને છત્તીસગઢ રાજ્યોએ કોલસાની તીવ્ર અછતને પગલે વીજળીની તંગીની ચેતવણી આપી છે, પરંતુ કોલસા મંત્રાલયે આગ્રહ કર્યો છે કે, દેશને વીજ ઉત્પાદન પ્લાન્ટની માંગ પૂરી કરવાની જરૂર છે. કોલસો ઉપલબ્ધ છે અને વીજ પુરવઠામાં વિક્ષેપ થવાનો ભય નથી.

બેઠકમાં ઉર્જા અને કોલસા પ્રધાનોએ ગૃહમંત્રીને દેશમાં વીજ ઉત્પાદન ક્ષમતા અને કોલસાની ખાણકામ વિશે માહિતી આપી હતી. કોલસા મંત્રીએ ટ્વીટ કરીને માહિતી આપી હતી કે દેશમાં હાલમાં દેશમાં 43 મિલિયન ટન કોલસો ઉપલબ્ધ છે. દેશમાં વીજળીની કટોકટી રહેશે નહીં.