પોતાની જ દીકરી સાથે દોઢ વર્ષથી દુષ્કર્મ આચરતો રહ્યો હેવાન બાપ, ૧૩ વર્ષની ઉંમરે ગર્ભવતી થતા…

આણંદ: દુષ્કર્મ (misdemeanor)ની ઘટનાઓ ખુબ જ વધી રહી છે. દેશની દીકરીઓ હવે પોતાના પિતા સાથે પણ સુરક્ષિત નથી. ત્યારે હાલ આવી જ વધુ એક ઘટના સામે આવી છે. દીકરી તો પિતાનો કાળજાનો કટકો કહેવાય છે. મા દીકરીને બે શબ્દ બોલે પણ બાપ દીકરીની બધી જ ભૂલો માફ કરી આપે છે. બાપ દીકરીના પવિત્ર સંબંધોને લાંછન લગાડતો એક કિસ્સો આણંદ માંથી સામે આવ્યો છે.

પિતાએ જ પોતાની દીકરીને પીંખી નાખી
ભાલેજ ઉટખરીમાં રહેતાં પતિ-પત્ની 11 વર્ષ અલગ રહેતાં હતાં. પહેલાં દીકરી પોતાની માતા સાથે રહેતી અને છેલ્લાં 2 વર્ષથી આરોપી પિતા તેની પુત્રીને લઈ આવ્યો હતો. ભાલેજ ઉટખરીમાં પિતાએ જ પોતાની દીકરી પર દુષ્કર્મ આચર્યું હતું. પતિ-પત્ની વચ્ચે વિવાદ થતાં પત્ની રિસાઈને 11 વર્ષથી પિયરમાં જ રહેતી હતી.

આરોપી પિતા 2 વર્ષ અગાઉ જ પોતાની પુત્રીને પોતાના ઘરે લાવ્યો હતો. ત્યારબાદ બાપે ઘરમાં દીકરીની એકલતાનો ફાયદો ઉઠાવીને પોતાની 13 વર્ષની દીકરી પર જ નજર બગાડી હતી. પિતા દોઢ વર્ષથી પુત્રી પર દુષ્કર્મ આચરી રહ્યો હતો. જે બાદ દીકરી ગર્ભવતી થતાં પોતાનું પાપ છુપાવવા નરાધમે તેના બાળલગ્ન કરાવી દીધા હતા.

લગ્નના 3 મહિના બાદ કિશોરીએ બાળકને જન્મ આપ્યો હતો. સમગ્ર મામલાની જાણ કિશોરીની માતાને થતાં તે ભાલેજ પોલીસ મથકે પહોંચી તેના પતિ વિરુદ્ધ ફરિયાદ નોંધાવી હતી. હાલ ભાલજ પોલીસે કિશોરીની માતાની ફરિયાદના આધારે નરાધમને ઝડપી પાડવાની તજવીજ હાથ ધરી છે.