શિક્ષણ વિભાગની લાલિયાવાડી- પર્યાવરણ વિષયના પેપરમાં મોટો છબરડો, સચિન તેંડુલકરનો પ્રશ્ન તો પૂછ્યો પણ…

ગુજરાત(Gujarat): પેપરકાંડની સામે સતત આવી રહેલી ઘટનાઓ વચ્ચે કચ્છ(Kutch)માં ધોરણ 3ના પેપરમાં મસમોટો છબરડો થયાનું બહાર આવતા તંત્રની કામગીરી સામે અનેક સવાલો ઉભા થઇ રહ્યા છે. જ્યા ધોરણ 3ના પર્યાવરણ વિષય(Environmental subject)ના પેપરમા તંત્રની બેદરકારી ઉઘાડી પડી છે.

જો વાત કરવામાં આવે તો પર્યાવરણ વિષયના પેપરમાં સચિન તેંડુલકર વિશે સવાલ પૂછવામાં આવ્યો હતો. જેમાં સચિન તેંડુલકર કઇ રમતના ખેલાડી છે તે પ્રકારનો ઉલ્લેખ કરવામાં આવ્યો હતો. આ દરમિયાન વિકલ્પમાં ક્રિકેટનો ઉલ્લેખ જ કરવામાં ન હોવાને કારણે તંત્રની ઘોર બેદરકારી સામે આવી છે. બાળકોના ભવિષ્ય સાથે રમત કરતા આ સવાલની માફક બળકોનો પણ મુંજાઈ ગયા હતા કે આ સવાલના જવાબમમાં લખવું તો લખવું શુ?

મહત્વનું છે કે, કચ્છની સરકારી પ્રાથમિક શાળા હેઠળ અભ્યાસ કરતા 27 હજાર બાળકોની પરીક્ષા હતી, જેમાં તંત્ર દ્વારા ભાંગરો વાટવામાં આવ્યો હતો. એક તો પર્યાવરણ વિષયના પેપરમાં ખેલકૂદનો પ્રશ્ન પુછી નાખવામાં આવ્યો હતો. તેમાં પણ અધૂરામાં પુરુ 4 માર્ક્સના પ્રશ્ન નંબર-6માં ચારમાંથી સાચો વિકલ્પ જ ન આપવામાં આવતા બાળકોએ આડેધડ એટલે કે ગમે તે જવાબ લખી નાખ્યા હતા.