સુરતના પાંડેસરામાં દારૂડિયા પતિની પત્નીએ લાકડાના ઘા મારી-મારી કરી નાખી હત્યા

સુરત શહેરના પાંડેસરા ગોવાલક રોડ પર ક્ષેત્રપાળ સોસાયટીમાં ભાડેના મકાનમાં ગૌરખ ભાનુપ્રસાદ ચૌહાણ પત્ની સાથે રહેતો અને મજૂરીકામ કરતો હતો. છેલ્લા કેટલાક સમયથી કામ ધંધો કરતો ન હોવાથી પત્ની મજૂરી કરી ગુજરાન ચલાવતી હતી. પતિ પત્નીને મારઝૂડ કરતો હતો. પતિ દારુ પીતો હતો.

3 તારીખે પતિ-પત્નીનો કોઈ બાબતે ઝઘડો થયો અને પતિએ પત્નીને માર માર્યો હતો. જેના કારણે નજીકમાં રહેતો માસી સાસુનો દીકરો રાજેશ શત્રુઘ્ન પ્રસાદ દોડી આવ્યો હતો અને પતિને માર મારી પત્નીને તેના ઘરે લઈ ગયો હતો.

બીજા દિવસે સવારે પત્ની ઘરે આવી તો પતિ ફરી તેને મારવા ઊભો થતા પત્નીને તેના હાથમાંથી લાકડાનો ફટકો લઈ તેને જ મારી દીધો અને તેવામાં પતિનો માસીના દીકરા રાજેશ પ્રસાદે તેને માર માર્યો અને મામલો બેભાનમાં ખપાવી દેવાનો પ્રયાસ કર્યો હતો.જો કે ત્યાર બાદ પતિનું મૃત્યુ થઇ ગયું હતું. ત્યાબાદ પાંડેસરા પોલીસે હત્યારી પત્નીની ધરપકડ કરી હતી.