January 19, 2025
ગુજરાત(Gujarat): વડોદરા(Vadodara) શહેરમાં પહેલા વરસાદી ઝાપટામાં જ રોડ-રસ્તાઓ ચિકણા થઇ જતા અલગ-અલગ વિસ્તારોમાં ટુ-વ્હીલર(Two-wheeler) ચાલકો પડ્યાના સાતથી આઠ બનાવ સામે આવતા ગભરાટ ફેલાઈ ગઈ છે. જેમાં કેટલાક અકસ્માત(Accident)ની ઘટના લોકોએ પોતાના મોબાઇલમાં કેદ પણ કરી લીધી હતી.
રોડ-રસ્તાઓ ચિકણા થતા કેટલાક લોકો પડ્યા:
આપણે સૌ જાણીએ છીએ કે, ચોમાસાની શરૂઆત થઇ ગઈ છે અને વડોદરામાં હજુ વાદળછાયું વાતાવરણ પણ જામેલું છે. વડોદરા શહેરમાં ક્યાંક ક્યાંક વરસાદી ઝાપટા વરસી રહ્યા છે, પરંતુ, તેના કારણે રોડ ચિકણા થઇ ગયા છે અને જેને લીધે ટુ-વ્હીલર ચાલકો સ્લીપ મારીને પડ્યાની ઘટનાઓ સામે આવી છે.
View this post on Instagram
Trending News
મળતી માહિતી અનુસાર, જેમાં સૌથી વધુ ટુ-વ્હીલર ચાલકો પડ્યાની ઘટનાઓ ન્યુ સમા અને અલકાપુરી રોડ પર ઘટી છે. બંને જગ્યાએ લગભગ સાતથી આઠ ટુ-વ્હીલર ચાલકો પડ્યાનો બનાવ સામે આવ્યો છે અને તેમાં કેટલાક લોકોને સામાન્ય ઇજાઓ પણ થઇ છે.
ચોમાસાના સિઝનની શરૂઆત થતાં પહેલો વરસાદ આવ્યો છે. જેને કારણે આખું વર્ષ રોડ પર ઓઇલ સહિતની અનેક ચીકણા પદાર્થ ઢોળાયા હોય છે, જેથી પહેલા જ વરસાદમાં રોડ લપસણા બની ગયા છે. જેથી ચોમાસાના શરૂઆતી દિવસોમાં વાહન ચાલકોએ વાહન જાળવીને ચલાવવું અત્યંત હિતાવહ કહી શકાય.
નીચે આપેલી લીંક પર ક્લિક કરીને જોડાઓ ત્રિશુલ ન્યૂઝ Trishul News સાથે. અમારું ફેસબુક પેજ લાઈક કરો અને ફોન પર અપડેટ્સ મેળવતા રહો. વોટ્સેપ પર સમાચાર મેળવવા અહીં ક્લિક કરીને Hi લખી મેસેજ કરો.