આ ‘પટેલ’ ભારતની સામે વર્લ્ડ ટેસ્ટ ચેમ્પિયનશીપમાં ન્યુઝીલેન્ડ તરફથી રમશે, પહેલી ટેસ્ટમાં ખેરવી હતી પાંચ વિકેટ

ન્યુઝીલેન્ડે તેમની 15 સભ્યોની ટીમને ફાઇનલ કરી દીધી છે. જે શુક્રવારથી સાઉધમ્પ્ટનમાં આઈસીસી વર્લ્ડ ટેસ્ટ ચેમ્પિયનશીપની ફાઇનલમાં ભારત સામે ટકરાશે. ઇંગ્લેન્ડ સામેની બે મેચની શ્રેણીના ભાગરૂપે આ ટૂર માટે મૂળ 20 સભ્યોની ટીમમાં ડગ બ્રેસવેલ, જેકબ ડફી, ડેરિલ મિશેલ, રચિન રવિન્દ્ર અને મિશેલ સાંટનેર સહિત પાંચ ખેલાડીઓનો સમાવેશ કરવામાં આવ્યો નથી.

ન્યુઝીલેન્ડે સ્પેશિયાલિસ્ટ સ્પિનર તરીકે મિશેલ સાંટનેર ને બદલે અજાઝ પટેલને પસંદ કર્યો છે. ઇંગ્લેન્ડ સામેની બંને ટેસ્ટમાં પટેલે ચાર વિકેટ ઝડપી હતી. ત્યારે આ મૂળ ભારતીય ખેલાડીને ટીમ માં જગ્યા આપીને ન્યુઝીલેન્ડ ક્રિકેટ બોર્ડે ઈમોશનલ કાર્ડ ખેલ્યું છે.

ન્યુ ઝિલેન્ડના કોચ ગેરી સ્ટેડે જણાવ્યું હતું કે, ટીમને ઘણું બધું આપનારા યુવાનોને વિદાય આપવી સહેલી નથી. સ્ટેડે કહ્યું કે એજબેસ્ટનમાં પટેલની પ્રભાવશાળી બોલીંગે તેને ટીમમાં સ્થાન અપાવ્યું છે. સ્ટેડે કહ્યું કે, “અમે એજબેસ્ટન ખાતે શાનદાર પ્રદર્શન બાદ અજાઝ ને અમારા નિષ્ણાત સ્પિનર તરીકે લઇ ગયા હતા અને અમારું માનવું છે કે તે બાઉલમાં પણ આવું જ પરીબળ બની શકે.”

અજાઝ પટેલએ ન્યુઝીલેન્ડનો ક્રિકેટર છે, જે ન્યુઝીલેન્ડના ઘરેલુ ક્રિકેટમાં સેન્ટ્રલ ડિસ્ટ્રિક્ટ્સ તરફથી રમે છે. તેણે ઓક્ટોબર 2018 માં ન્યૂઝીલેન્ડની ક્રિકેટ ટીમ માટે આંતરરાષ્ટ્રીય ક્રિકેટમાં પ્રવેશ કર્યો હતો. અને ટેસ્ટ ડેબ્યુ માં જ ઈનિંગમાં પાંચ વિકેટ લઈને ઈતિહાસ રચ્યો હતો. તે આઠ વર્ષનો હતો ત્યારે તે તેના પરિવાર સાથે મુંબઇથી ન્યુઝીલેન્ડ ગયો હતો, અગાઉ તે ડાબોડી ફાસ્ટ બોલર હતો. મે 2020 માં, ન્યુઝિલેન્ડ ક્રિકેટે તેમને 2020-21 સીઝન પૂર્વે કેન્દ્રીય કરાર કરી બોર્ડના કાયમી ખેલાડીનો દરજ્જો આપ્યો.