November 24, 2024
ભારત(India)માં મંકીપોક્સ(Monkeypox)નો પ્રથમ કેસ કેરળ(Kerala)ના કોલ્લમ(Kollam)માં મળી આવ્યો હોવાની પુષ્ટિ થઈ છે. રાજ્યના આરોગ્ય મંત્રી વીણા જ્યોર્જે(Veena George) કહ્યું કે, વિદેશથી પરત ફરેલા વ્યક્તિને લક્ષણો દેખાતા હોસ્પિટલમાં દાખલ કરવામાં આવ્યા હતા. તેના સેમ્પલ એકત્ર કરીને નેશનલ ઈન્સ્ટીટ્યુટ ઓફ વાઈરોલોજી(National Institute of Virology)માં પરીક્ષણ માટે મોકલવામાં આવ્યા હતા. એક દિવસ પહેલા, ભારત સરકારે તમામ રાજ્યોને પત્ર લખીને મંકીપોક્સ વિશે ચેતવણી આપી હતી અને જરૂરી માર્ગદર્શિકા જારી કરી હતી.
કેન્દ્ર સરકારે માર્ગદર્શિકા જાહેર કરી છે:
કેન્દ્ર સરકારે માર્ગદર્શિકામાં કહ્યું છે કે તમામ શંકાસ્પદો પર નજર રાખવામાં આવે અને તેમની તપાસ કરવામાં આવે અને વધુ સારી દેખરેખની વ્યવસ્થા હોવી જોઈએ. સંક્રમિત અને શંકાસ્પદ દર્દીઓને આઇસોલેશનમાં રાખવા પડશે. ઉપરાંત, જે દર્દીને મંકીપોક્સ વાયરસનો ચેપ લાગે છે તેના માટે વધુ સારી સારવાર વ્યવસ્થા હોવી જોઈએ. આ રોગના લક્ષણો દેખાવામાં 6 થી 13 દિવસનો સમય લાગે છે. જો કે આ વાયરસ શીતળા જેટલો ગંભીર નથી, પરંતુ હજુ સુધી તેનો કોઈ ઈલાજ નથી.
અત્યાર સુધીમાં 63 દેશોમાં મંકીપોક્સના કેસ નોંધાયા છે:
વર્લ્ડ હેલ્થ ઓર્ગેનાઈઝેશન અનુસાર, અત્યાર સુધીમાં વિશ્વના 63 દેશોમાં મંકીપોક્સ વાયરસની પુષ્ટિ થઈ છે. 12 જુલાઈ સુધીમાં, આ 63 દેશોમાં મંકીપોક્સના 9,200 કેસ નોંધાયા છે. ઝડપથી વધી રહેલા કેસોને કારણે દુનિયા પરેશાન છે. વર્લ્ડ હેલ્થ ઓર્ગેનાઈઝેશન ટૂંક સમયમાં આ અંગે ઈમરજન્સી બેઠક યોજવા જઈ રહ્યું છે જેમાં મંકીપોક્સને વૈશ્વિક સ્વાસ્થ્ય ઈમરજન્સી તરીકે જાહેર કરવી કે નહીં તે નક્કી કરવામાં આવશે. જો કે ગયા મહિને ડબ્લ્યુએચઓએ તેને સ્વાસ્થ્ય કટોકટી જાહેર કરવાનો ઇનકાર કર્યો હતો, પરંતુ જે ઝડપે કેસ વધી રહ્યા છે તેણે ડબ્લ્યુએચઓને ફરીથી વિચારવા માટે મજબૂર કરી દીધું છે.
Trending News
વાસ્તવમાં, 4 જુલાઈ સુધી, મંકીપોક્સના 6000 કેસ નોંધાયા હતા પરંતુ હવે તે વધીને 9,200 થઈ ગયા છે. એટલે કે માત્ર 8 દિવસમાં મંકીપોક્સના 3200 નવા કેસ નોંધાયા છે. જેના કારણે આરોગ્ય નિષ્ણાતોમાં ખળભળાટ મચી ગયો છે.
મંકીપોક્સ વાયરસના લક્ષણો:
જ્યારે તમે મંકીપોક્સ વાયરસથી સંક્રમિત થાઓ છો, ત્યારે તેના પ્રથમ લક્ષણો 5 થી 21 દિવસમાં દેખાવા લાગે છે. આ દરમિયાન તમને તાવ, માથાનો દુખાવો, સ્નાયુઓમાં દુખાવો, ધ્રુજારી, થાક, કમરનો દુખાવો જેવા લક્ષણો દેખાય છે. આ બધા લક્ષણો દેખાય પછી તેની અસર ત્વચા પર દેખાવા લાગે છે. શરીર પર પિમ્પલ્સ દેખાય છે. હાથ, પગ, હથેળી, પગના તળિયા અને ચહેરા પર નાના પિમ્પલ્સ દેખાવા લાગે છે.
શું મંકીપોક્સથી જીવ જઈ શકે છે?
વર્લ્ડ હેલ્થ ઓર્ગેનાઈઝેશન અનુસાર, મધ્ય આફ્રિકામાં જ્યાં લોકોને પ્રાથમિક આરોગ્ય સુવિધાઓ પણ નથી, ત્યાં આ વાયરસથી સંક્રમિત 10 લોકોમાંથી માત્ર એક જ વ્યક્તિનું મૃત્યુ થઈ શકે છે. જો કે, મંકીપોક્સના ઘણા કિસ્સાઓમાં, દર્દી થોડા અઠવાડિયામાં સ્વસ્થ થઈ જાય છે.
શું આનો કોઈ ઈલાજ છે?
હજુ સુધી મંકીપોક્સ વાયરસની કોઈ ચોક્કસ સારવાર બહાર આવી નથી. આવી સ્થિતિમાં, આ વાયરસથી સંક્રમિત લોકોએ પોતાને અન્ય લોકોથી દૂર રાખવું જરૂરી છે જેથી આ વાયરસ ફેલાય નહીં.
નીચે આપેલી લીંક પર ક્લિક કરીને જોડાઓ ત્રિશુલ ન્યૂઝ Trishul News સાથે. અમારું ફેસબુક પેજ લાઈક કરો અને ફોન પર અપડેટ્સ મેળવતા રહો. વોટ્સેપ પર સમાચાર મેળવવા અહીં ક્લિક કરીને Hi લખી મેસેજ કરો.