IAF એ કરી મોટી જાહેરાત: ગુમ થયેલા AN-32 Plane ની જાણકારી આપનારને મળશે 5 લાખનું ઇનામ.

ભારતીય વાયુસેનાના ગુમ વિમાન AN-32ને ગૂમ થયાને 6 દિવસ થવા છતા હજુ સુધી કોઇ સગડ મળ્યા નથી. આ દરમિયાન વાયુસેનાને આ વિમાનની પૂરતી જાણકારી આપનારને રુ.5 લાખનું ઈનામ પણ જાહેર કર્યું છે. ડીફેન્સ પી.આર.ઓ. વિંગ કમાંડર રત્નાકર સિંહએ શિલોંગમાં જણાવ્યું કે એરમાર્શલ આર.ડી. માથુર, AOC ઇન કમાંડ ઇસ્ટર્ન એર કમાંડે રુ. 5 લાખનું ઈનામ જાહેર કર્યું છે. આ ઈનામ AN-32ની યોગ્ય અને સાચી માહિતી આપનાર વ્યક્તિ કે સમૂહને આપવામાં આવશે.

આ નંબરો પર આપી શકાય છે માહિતી:

વિંગ કમાન્ડર રત્નાકરે કહ્યું કે, ગૂમ થયેલા વિમાનના લોકેશન અંગે માહિતી 0378-3222164, 9436499477, 9402077267, 9402132477 આ નંબરો પણ સંપર્ક કરીને માહિતી આપી શકાય છે. જણાવી દઈએ કે છેલ્લા 6 દિવસથી વાયુસેના પોતાના આ ગૂમ થઈ ગયેલા વિમાનને શોધવા માટે તમામ પ્રકારના પ્રયાસો કરી રહી છે. તેમની સાથે અરુણાચલ સરકાર અને અન્ય તપાસ એજન્સીઓ પણ રાત-દિવસ આ મિશનમાં જોડાઈ ગઈ છે.