November 24, 2024
સોશિયલ મીડિયા(Social media) સાઈટ ઈન્સ્ટાગ્રામ(Instagram) ગુમ થયેલા બાળકોને શોધવામાં પણ મદદ કરશે. તેની મધર કંપની મેટાએ આ સપ્તાહની શરૂઆતમાં જણાવ્યું હતું કે ઇન્સ્ટાગ્રામમાં એક નવું ફીચર AMBER ઉમેરવામાં આવશે જે ગુમ થયેલા બાળકો ધરાવતા વિસ્તારોમાં લોકોને સૂચનાઓ દ્વારા સંદેશા મોકલશે.
મેટાના જણાવ્યા અનુસાર, આ ફીચર હાલમાં 25 દેશોમાં લોન્ચ કરવામાં આવ્યું છે અને ટૂંક સમયમાં તેને અન્ય દેશોમાં પણ વિસ્તારવામાં આવશે. આ ફીચર ફેસબુકમાં પહેલાથી જ કામ કરી રહ્યું છે. મેટાનો દાવો છે કે 2015માં ફેસબુક પર આ ફીચરની શરૂઆત થઈ ત્યારથી અત્યાર સુધીમાં તેની મદદથી સેંકડો બાળકોને સર્ચ કરવામાં આવ્યા છે. Meta એ Instagram માટે AMBER એલર્ટ વિકસાવવા માટે ઘણી સંસ્થાઓ સાથે ભાગીદારી કરી છે, જેમાં યુએસમાં નેશનલ સેન્ટર ફોર મિસિંગ એન્ડ એક્સપ્લોઈટેડ ચિલ્ડ્રન અને ઈન્ટરનેશનલ સેન્ટર ફોર મિસિંગ એન્ડ એક્સપ્લોઈટેડ ચિલ્ડ્રનનો સમાવેશ થાય છે.
ઇન્સ્ટાગ્રામે તેના બ્લોગ પોસ્ટમાં કહ્યું છે કે આપણે બધા જાણીએ છીએ કે બાળકોના ગુમ થવા વિશે જેટલા લોકો જાણશે, તેમની શોધ એટલી જ સરળ થશે. તે ખાસ કરીને પ્રથમ થોડા કલાકોમાં ખૂબ જ મદદરૂપ છે. તેથી, કાનૂની એજન્સીઓએ AMBER Alert પર ગુમ થયેલા બાળકની જાણ કરતાની સાથે જ તે ચોક્કસ વિસ્તારના તમામ Instagram વપરાશકર્તાઓ સુધી એક સૂચના પહોંચે છે.
Trending News
ટેકનોલોજી કેવી રીતે કામ કરે છે:
AMBER ચેતવણીઓ ચોક્કસ વિસ્તારમાં Instagram વપરાશકર્તાઓને સક્રિય કરે છે. મેસેજ યુઝર સુધી પહોંચતાની સાથે જ આ ટેક્નોલોજી તમને જણાવે છે કે તમારા વિસ્તારમાં ગુમ થયેલા બાળકની શોધ ચાલુ છે. આ ટેક્નોલોજી યુઝરના પ્રોફાઈલ પર રાખેલા શહેરને ઓળખે છે અને તેને મેસેજ મોકલે છે. આ માટે આઇપી એડ્રેસ અને લોકેશન સર્વિસ જેવી ટેક્નોલોજીની મદદ પણ લેવામાં આવે છે. યુઝરને મોકલવામાં આવેલા એલર્ટમાં ગુમ થયેલા બાળકનો ફોટો, તેની વિગતો, તે ક્યાંથી ગુમ થયો છે તેની માહિતી ઉપરાંત અન્ય ચોક્કસ સંદેશાઓનો સમાવેશ થાય છે.
ભારતમાં ટેકનોલોજી હજુ આવી નથી:
હાલમાં આ ટેક્નોલોજી આર્જેન્ટિના, ઓસ્ટ્રેલિયા, બેલ્જિયમ, બલ્ગેરિયા, કેનેડા, એક્વાડોર, ગ્રીસ, ગ્વાટેમાલા, આયર્લેન્ડ, જમૈકા, કોરિયા, લિથુઆનિયા, લક્ઝમબર્ગ, મલેશિયા, માલ્ટા, મેક્સિકો, નેધરલેન્ડ, ન્યુઝીલેન્ડ, રોમાનિયા, દક્ષિણ આફ્રિકા, તાઈવાનમાં ઉપલબ્ધ છે. યુક્રેન, યુકે, સંયુક્ત આરબ અમીરાત અને અમેરિકામાં અમલમાં મુકવામાં આવી છે. ભારતમાં હજુ સુધી આ ટેક્નોલોજી અમલમાં મુકવામાં આવી નથી.
નીચે આપેલી લીંક પર ક્લિક કરીને જોડાઓ ત્રિશુલ ન્યૂઝ Trishul News સાથે. અમારું ફેસબુક પેજ લાઈક કરો અને ફોન પર અપડેટ્સ મેળવતા રહો. વોટ્સેપ પર સમાચાર મેળવવા અહીં ક્લિક કરીને Hi લખી મેસેજ કરો.