May 17, 2024
Jill Bhatt dies of heart attack: ગુજરાત (Gujarat) રાજ્ય સહિત સમગ્ર દેશ અને દુનિયામાં હાર્ટ એટેક (Heart attack)ને કારણે અનેક લોકોના મોત નીપજી રહ્યા છે. જેમાં ક્રિકેટ પ્લેયરોથી માંડીને અનેક સ્ટાર્સ અને આમ જનતાના હાર્ટ એટેકના કારણે મોતના કિસ્સાઓ સતત સામે આવી રહ્યા છે. જો વાત કરવામાં આવે તો યુવાનોમાં સતત હાર્ટ એટેકના પ્રમાણમાં વધારો થઇ રહ્યો છે. હાલ યુવાનોમાં હાર્ટ એટેકના પ્રમાણમાં ભયજનક ઉછાળો આવ્યો છે.
હાર્ટ એટેકના પ્રમાણમાં સતત વધારો નોધાય રહ્યો છે, ત્યારે કોઈ પણ પ્રકારની બિમારી ન હોય તેમ છતાં અનેક લોકો હાર્ટ એટેકનો શિકાર બની રહ્યા છે. ક્રિકેટ રમતી વખતે, લગ્નમાં નાચતી વખતે કે જીમમાં કસરત કરતી વખતે હાર્ટ એટેક આવવાની સાથે જ ઘટનમાં સ્થળે મૃત્યુના કિસ્સાઓ વધારો થઇ રહ્યો છે. ત્યારે હાર્ટ એટેકના કારણે મોતના વધુ એક બનાવો સામે આવ્યો છે. પ્રાપ્ત માહિતી અનુસાર ગુજરાત રાજ્યમાં છેલ્લાં 24 કલાકમાં હાર્ટ એટેકને કારણે બે યુવાનોના મોત થયા છે.
રાજ્યના આણંદ જિલ્લાના ઓડ ગામમાં 22 વર્ષના એક યુવકનું હાર્ટ એટેકથી મોત થયું છે. મળેલી માહિતી અનુસાર યુવકને જયારે હાર્ટ એટેક આવ્યું ત્યારે તે બાથરૂમમાં સ્નાન કરવા માટે ગયો હતો, હાર્ટ એટેક આવતા યુવકબાથરૂમમાં ઢળી પડ્યો હતો. પરિવારજનોને જાણ થતા તરતજ યુવકને સારવાર માટે હોસ્પિટલ લઇ ગયા હતા, જ્યાં ડોક્ટરોએ તેને મૃત જાહેર કર્યો હતો. પ્રાપ્ત માહિતી અનુસાર આ યુવકનું નામ જીલ ભટ્ટ છે.
અત્રે ઉલેખનીય છે કે, થોડા દિવસ પહેલા જ રાજકોટ શહેરની વીવીપી એન્જિનિયરિંગ કોલેજમાં છેલ્લા વર્ષમાં અભ્યાસ કરતા મૂળ સુરત જિલ્લાના કલ્પેશ પ્રજાપતિ (ઉંમર વર્ષ 28)ને હાર્ટ એટેક આવ્યો હતો. મળેલી માહિતી અનુસાર સારવાર માટે હોસ્પિટલ પહોંચે તે પહેલા તેનું મોત નિપજ્યું હતું. વીવીપી એન્જિનિયરિંગ કોલેજમાં મૂળ સુરત જિલ્લાનો કલ્પેશ આર્કિટેક્ચરના કોર્સના છેલ્લા વર્ષમાં અભ્યાસ કરી રહ્યો હતો. મળેલી માહિતી અનુસાર ગઈકાલે સાંજે કોલેજથી છૂટી રહ્યો હતો અને તે દરમિયાન કલ્પેશને છાતીમાં દુખાવો ઉપડ્યો હતો. તેથી તાત્કાલિક ખાનગી હોસ્પિટલમાં ખસેડાયો હતો. હોસ્પિટલમાં ફરજ પરના તબીબે કલ્પેશને મૃત જાહેર કર્યો હતો.
Trending News
કોરોના પછી વધ્યા હાર્ટ એટેક
આશ્ચર્યજનક વાત તો એ છે કે, કોરોના પહેલા હાર્ટ એટેકના કારણે આટલા મોત નહોતા થતા, પરંતુ છેલ્લા ઘણા સમયથી કોઈ પણ તકલીફ વગર નાના હોય કે મોટા દરેક લોકોને હાર્ટ એટેક આવી રહ્યો છે.
નીચે આપેલી લીંક પર ક્લિક કરીને જોડાઓ ત્રિશુલ ન્યૂઝ Trishul News સાથે. અમારું ફેસબુક પેજ લાઈક કરો અને ફોન પર અપડેટ્સ મેળવતા રહો. વોટ્સેપ પર સમાચાર મેળવવા અહીં ક્લિક કરીને Hi લખી મેસેજ કરો.
