જ્યોતિરાદિત્ય સિંધિયા ની હારનું કારણ બની એક સેલ્ફી જાણો અમિત શાહે કઈ રીતે ઉઠાવ્યો ફાયદો

લોકસભા ચૂંટણી માં સતત બીજી વખત વચન મોદી લહેર વચ્ચે ભારતીય જનતા પાર્ટીએ દેશમાં રેકોર્ડ સીટો સાથે કેન્દ્રમાં સત્તા મેળવી લીધી છે. 2014માં ભાજપે લોકસભાની 543 સીટોમાંથી 282 સીટો જીતી હતી અને એનડીએ સંગઠન મળીને 336 સીટો મળી હતી. પરંતુ આ વખતે તેનાથી પણ પ્રચંડ બહુમત સાથે એનડીએ ગઠબંધન હવે 343 સીટો પર બહુમત બતાવી રહ્યું છે. ગત લોકસભા ચૂંટણીમાં મધ્યપ્રદેશના ગુના માંથી ચૂંટણી જીતેલા રાજ પરિવારમાંથી આવતા જ્યોતિરાદિત્ય સિંધિયાને ભાજપના કૃષ્ણ પાલ યાદવ એ એક લાખથી વધુ મતોથી હરાવ્યા છે. આ હાર નું કારણ ખૂબ જ દિલચસ્પ છે અને ગુના સીટ પર ભાજપની જીત મહત્વનો રોલ અમિત શાહ હોવાનું બહાર આવ્યું છે.

ગુના બેઠક સિંધિયા પરિવારની રાજનૈતિક ગઢ માનવામાં આવતો હતો. છેલ્લી ત્રણ પેઢીઓથી સિંધિયા પરિવાર નો અહીં કબજો રહ્યો હતો જ્યોતિરાદિત્ય સિંધિયાના દાદી વિજયારાજે સિંધિયા અને પિતા માધવરાવ સિંધિયા એ અહીંયા અનુક્રમે ૬ વાર અને ચાર વખત તેમાં જ્યોતિરાદિત્ય સિંધિયાએ ચાર વખત ગુના લોકસભાનું પ્રતિનિધિત્વ કર્યું છે. ભાજપના કૃષ્ણ પાલ સિંહે જ્યોતિરાદિત્ય સિંધિયા અને જીતવા માટે પરસેવો છોડાવી દીધો હતો તેવું કહી શકાય.

ધ લલનટોપ અને ન્યુઝ ૧૮ માં છપાયેલા રિપોર્ટ અનુસાર તેમજ સોશિયલ મીડિયામાં એક મેસેજ વાયરલ થઇ રહ્યો છે. જેમાં કહેવામાં આવ્યું છે કે એક સમયે જ્યોતિરાદિત્ય સિંધિયા નો જમણો હાથ કહેવાતા કૃષ્ણ પાલ યાદવ ને એક વખત જ્યોતિરાદિત્ય સિંધિયા એ સેલ્ફી લેવા દેવા માટે ગાડીનો દરવાજો ન ખોલ્યો. જેનાથી તેઓ મનમાં ખટરાગ ધરાવતા હતા અને ટિકિટ ન મળતા કોંગ્રેસ છોડી દીધી હતી.