November 24, 2024
Kutch Accident: કચ્છમાં ખુબ જ દુઃખદ અને કરુંણ સમાચાર સામે આવ્યા છે. વાગડ વિસ્તારના રાપર તાલુકામાં. વલ્લભપર ગામ તરફ જતા માર્ગે એકસાથે ત્રણ બાઇક ધડાકાભેર ટકરાઈ હતી, જેમાં સોમાણી વાંઢના ઓરતા ભર્યા રાજુભાઇ બચુભાઇ સોમાણી નામના યુવકનું(Kutch Accident) ઘટનાસ્થળે જ કમાટીભર્યું મોત નીપજ્યું છે, જેના પાંચ દિવસ બાદ જ લગ્ન હતા.ત્યારે આ યુવકના મોતના પગલે તેનો પરિવાર સુજ્બુજ ખોઈ બેસી ઘેરા શોકમાં ગરકાવ થયો છે.
બે બાઇક સામસામે ધડાકાભેર અથડાઈ
આ ગોઝારી ઘટના અંગે મળતી માહિતી મુજબ, આજે સવારે 10થી 11 વાગ્યાના અરસામાં રાપર તાલુકાના વલ્લભપર ગામથી અડધો કિલોમીટર દૂરના માર્ગે બે બાઇક સામસામે ધડાકાભેર અથડાઈ હતી.જે બાદ એજ ક્ષણે અન્ય એક બાઇક પણ બાઇકો સાથે ધડાકાભેર ટકરાઈ પડી હતી. અકસ્માતના પગલે જોરદાર અવાજ બાદ બાઇકસવાર ઇજાગ્રસ્તોની ચિચિયારીઓથી રસ્તો ગુંજી ઉઠ્યો હતો.
વરરાજાનું દુઃખદ મોત થયું
ઘટનાના પગલે અંદાજિત પાંચ જેટલા લોકોને ભારે ઇજા પહોંચી હતી, એમાં એક પાંચ વર્ષના બાળકનો પણ સમાવેશ થાય છે. સોમણી વાંઢના 19 વર્ષીય રાજુ સોમાણી પિતરાઈ ભાઈ સાથે રાપર લગ્નપત્રિકા આપવા જતા હતા ત્યારે અકસ્માત સર્જાતાં તેનું ગંભીર ઇજાઓના કારણે ઘટનાસ્થળે જ કરુણ મૃત્યુ થયું હતું. જ્યારે તેની સાથે રહેલા 32 વર્ષીય પિતરાઈ ભાઈ રામજી બાબુ સોમાણીને માથાના ભાગે ગંભીર ઇજાની સારવાર માટે પાટણ ખસેડવામાં આવ્યો છે.
Trending News
પરિવાર શોકમાં ગરકાવ
આ ગોઝારી ઘટનામાં એક યુવકનો ભોગ લેવામાં આવ્યો છે,આ યુવકના પાંચ દિવસ બાદ લગ્ન હોવાથી તેના ઘરે લગ્ન ગીતો ગવાઈ રહ્યા હતા,જે હવે મરશિયામાં ફેરવાઈ ગયા છે.તો બીજી તરફ જે કન્યાના ઘરે આજે જ ગણેશ સ્થાપનની વિધિ સંપન્ન કરાઈ હતી. કરુણ ઘટનાના પગલે બંને પરિવાર સાથે વાગડ વિસ્તારમાં ગામગીની પ્રસરી ગઈ છે.
- ગુગલ ન્યુઝમાં Trishul News Gujarati ની અપડેટ મેળવવા ક્લિક કરો: Trishul News Gujarati
- નીચે આપેલી લીંક પર ક્લિક કરીને જોડાઓ ત્રિશુલ ન્યૂઝ Trishul News સાથે.
- વોટ્સેપ પર સમાચાર મેળવવા અહીં ક્લિક કરીને Hi લખી મેસેજ કરો.
- યુટ્યુબ ચેનલ સબસ્ક્રાઈબ કરીને જોતા રહો વિડીયો ન્યુઝ: Trishul News YouTube
- એન્ડ્રોઇડ એપ ડાઉનલોડ કરો: Trishul News Gujarati Android App આઈફોન માટે એપ ડાઉનલોડ કરો: Trishul News Gujarati iPhone App