ગુજરાત: કાર માંથી યુવકે યુવતીને જોઈ કર્યા ચેનચાળા- યુવતીએ રોડવચ્ચે યુવકને…

અવારનવાર કોઈને કોઈ સ્થળે છેડતીની ઘટના સામે આવતી રહે છે. ઘણી વખત કોઈ છેડતીની ઘટના બને તો છોકરી સહન કરીને જતી રહે છે, પરંતુ અમુક વાર એવું પણ બની જાય છે જેમાં છોકરી છેડતી કરનારને મેથીપાક ચખાડે છે. અને કોઈ દિવસ કોઈની ફરીવાર છેડતી ન કરે તેવી હાલત બનાવી દે છે.

ગુજરાતના રાજકોટના કાલાવાડ રોડ પર કારમાં જઈ રહેલા યુવકે સ્કુટી પ જઈ રહેલી યુવતી સાથે છેડતી કરી હતી. અને યુવતીએ આ સહન ન કરતા તેની સાથે લડવાનું નક્કી કર્યું. યુવતીએ પોતાનું વાહન ઉભું રાખી કારમાં જતા યુવકને કારમાં બહાર કાઢીને જાહેરમાં જ મેથીપાક ચખાડ્યો હતો. આ ઘટના દરમિયાન કોઈ રાહદારીએ વિડીયો ક્લિપ ઉતારી હતી જે વાઈરલ થઈ રહી છે. યુવતીને જોઈને ચેનચાળા કરનારા શખ્સ સામે પોલીસે પણ કાર્યવાહી કરી છે.

કોટેચા ચોકમાં બનેલી આ ઘટનામાં યુવકે કરેલા વિચિત્ર ચેનચાળા બાદ ગુસ્સે થયેલી યુવતીએ યુવકને મેથીપાક શીખવવાનું વિચારી લીધું હતું. યુવતીએ છેડતી કરનારા શખ્સની ધોલાઈ કરી રહી હતી ત્યારે શું ઘટના બની તે જોવા માટે લોકોના ટોળા થઈ ગયા હતા. ઘણાં લોકોએ યુવતીની પ્રશંસા કરીને આવા લોકોને આ રીતે જ પાઠ ભણાવવો જોઈએ તેવી વાત કરી હતી.