November 17, 2024
અમદાવાદ શહેરનાં ઘણા વિસ્તારોમાં રસ્તાઓ, ફુટપાથ તેમજ જાહેરસ્થળો પર પેવર બ્લોક લગાવે છે. પણ સિમેન્ટ રેતીમાંથી બની જતા આ પેવરબ્લોક ટકાઉ હોતા નથી. તે સમયે ગુજરાત ટેક્નોલોજીકલ યુનિવર્સિટીનાં સ્ટાર્ટ અપ દ્વારા વેસ્ટમાંથી બેસ્ટ ટકાઉ પેવર બ્લોક તૈયાર કરવામાં આવ્યું છે. યુવાન દ્વારા પ્લાસ્ટીક વેસ્ટ, ફ્લાય એસ તેમજ સોલિડવેસ્ટનો ઉપયોગ કરીને પેવર બ્લોક બનાવવામાં આવ્યા છે.
આ પેવરબ્લોક એટલા મજબૂત છે કે, આ એક 2.75 kgનું પેવર બ્લોક 15 ટન વજન સહન કરવા માટેની ક્ષમતા ધરાવે છે. આખા વિશ્વમાં પ્લાસ્ટીકનું ઉત્પાદન તેમજ એનાં વપરાશમાં દિન-પ્રતિદિન વધારો થાય છે. પણ ઉપયોગ બાદ એનો યોગ્ય નિકાલ કરવો એ ખુબ જ મોટી મુશ્કેલી જોવા મળે છે. જે આખી માનવસૃષ્ટીનાં જીવનચક્ર માટે પણ એક મોટો પડકાર ગણાય છે.
પ્લાસ્ટીકનો યોગ્ય નિકાલ થાય તે માટે જીટીયુનાં સ્ટાર્ટઅપ કિશન પટેલે પ્લાસ્ટીક વેસ્ટ, ફ્લાય એસ તેમજ સોલિડવેસ્ટનો વપરાશ કરીને પેવર બ્લોક બનાવવામાં આવ્યું છે. આ પ્રેરણાત્મક ઇનોવેશન કરનાર કિશન પટેલ દ્વારા જણાવવામાં આવ્યું કે, ફૂટપાથ તેમજ જાહેર સ્થળો પર લગાવતાં પેવર બ્લોકની જરૂરીયાતને ધ્યાનમાં રાખીને આ પેવરબ્લૉક બનાવવામાં આવ્યું છે. અમદાવાદ મ્યુન્સિપલ કોર્પોરેશન જોડેથી પીરાણા ડમ્પ સાઈટનું 20,000 kg પ્લાસ્ટીક ખરીદયું હતું.
Trending News
ત્યારે આણંદ નગરપાલિકા પાસેથી 7 રૂપિયા પ્રતિ kgની કિંમતે પ્લાસ્ટીક વેસ્ટ ખરીદીને પેવર બ્લોક બનાવે છે. આ સિવાય તેણે કહ્યું કે, પ્લાસ્ટીક સહિત એમાં ટોરેન્ટમાંથી નિકળતી ફ્લાય એસ તેમજ મિકેનિકલ ઈન્ડસ્ટ્રીઝમાંથી સેન્ડ સ્વરૂપે નિકળતાં વેસ્ટનો પણ ઉપયોગ કરે છે. 1 પેવર બ્લોકમાં 25 ટકા પ્લાસ્ટીક , 60 ટકા સેન્ડ તેમજ 15 ટકા બીજા સોલિડ વેસ્ટનો ઉપયોગ કરે છે. બીજા પેવર બ્લોકની ક્ષમતા દ્વારા પ્લાસ્ટીક નિર્મિત પેવરબ્લોક ત્રણ ગણી મજબૂતાઈ ધરાવે છે.
આર્થિક રીતે પણ 20 થી 25 રૂપિયાનાં ભાવે 1 ચોરસફૂટનાં બ્લોકનું નિર્માણ કરી શકે છે. એમાં કોઈપણ પ્રકારનાં પ્લાસ્ટીકનો ઉપયોગ કરવામાં આવે છે. સૌથી પહેલા પ્લાસ્ટીકનું વોશીંગ કરીને એને ક્રશ કરવામાં આવે છે. તેણે કહ્યું કે, એ પછી એમાં બીજા સોલિડ વેસ્ટનો ઉમેરો કરીને હિટ આપીને લિક્વિડ સેમી સોલિડ ફોર્મમાં રૂપાંતરીત કરવામાં આવે છે.
છેવટે હાઈડ્રોલિક મશીન એક્સ્ટ્રુડરનો વપરાશ કરીને તેનો પેવર બ્લોકનો શેપ આપે છે. ભવિષ્યમાં અદ્યતન ટેક્નોલોજીનો ઉપયોગ કરીને આગ સામે પણ ટકી શકે એવી ટાઈલ્સ, પ્લાસ્ટીકનાં ટોઈલેટ તેમજ બેંચનું પણ નિર્માણ કરશે. જે પર્યાવરણમાંથી પ્લાસ્ટીકનાં નિકાલ માટે ઉત્તમ ઉદાહરણ પૂરું પડી શકાય.
નીચે આપેલી લીંક પર ક્લિક કરીને જોડાઓ ત્રિશુલ ન્યૂઝ Trishul News સાથે. લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે આજે જ ડાઉનલોડ કરો ત્રિશુલ ન્યુઝની એન્ડ્રોઇડ એપ મોબાઇલ એપ્લિકેશન. અથવા Google Play Store માં જઈને Trishul News સર્ચ પણ કરી શકો છો. https://play.google.com/store/apps/details?id=com.trishul.news અમારું ફેસબુક પેજ લાઈક કરો અને ફોન પર અપડેટ્સ મેળવતા રહો. અમારા ટેલીગ્રામ ગ્રુપ માં જોડાઈને મેળવો તમામ અપડેટ: https://t.me/trishulnews ગુગલ ન્યુઝમાં ફોલો કરો: http://bit.ly/TrishulNewsOnGoogle