સેકંડો ભાવીભક્તોના હાર્દ સમાન મહંત સ્વામીનું ગોંડલમાં આગમન થતા જોવા મળ્યો દિવાળી જેવો માહોલ

ગુજરાત: BAPS સ્વામિનારાયણ સંપ્રદાય (BAPS Swaminarayan Sampraday) ના વડા મહંત સ્વામી (Mahant Swami) ગઈકાલે સારંગપુરથી રાજકોટના ગોંડલમાં પધારી ચુક્યા છે ત્યારે મહંત સ્વામીના આગમનને લઇને ગોંડલનું સ્વામિનારાયણ અક્ષર મંદિર (Swaminarayan Temple of Gondal) ને રંગબેરંગી રોશનીથી શણગારી દેવાયુ છે.

સાંજને સમયે મહંત સ્વામીનું આગમન થતા ખુબ મોટી સંખ્યામાં હરિભક્તો ઉમટી પડ્યા હતા. મંદિરના પટાંગણમાં ખુબ મોટી સંખ્યામાં હરિભક્તો ભેગા થયા હતા. સ્વામિનારાયણ સભાનું આયોજન પણ કરવામાં આવ્યું હતું. મહંત સ્વામી ગોંડલ અક્ષર મંદિરમાં જ દિવાળીના તહેવારો ઉજવવામાં આવશે.

રોજ અલગ અલગ કાર્યક્રમો યોજાશે:
પ્રમુખ સ્વામી પણ દર દિવાળીએ ગોંડલ અક્ષર મંદિરે આવતા તેમજ તહેવારો અહીં રહીને જ ઉજવતા હતા. મહંત સ્વામી પણ આ વર્ષ દરમિયાન દિવાળીના તહેવારો અક્ષર મંદિરમાં આયોજન થશે. દરરોજ અલગ-અલગ કાર્યક્રમો યોજાશે તેમજ હરિભક્તોને દર્શનનો લ્હાવો આપવામાં આવશે.