November 05, 2024
માઈગ્રેન (Migraine) એ વિશ્વમાં(world) સૌથી સામાન્ય રોગો(Diseases) પૈકી એક છે. આ સિવાય તે વિશ્વમાં સૌથી સામાન્ય ન્યુરોલોજીકલ ડિસઓર્ડર(Neurological disorders) પણ છે. મળતી માહિતી અનુસાર તેનાથી પીડિત લોકોને સતત માથાનો દુખાવો રહે છે. એક રીપોર્ટ મુજબ જાણવા મળ્યું છે કે, તેનાથી પીડિત 20% લોકો માથાનો દુખાવો રોકવા માટે ઓપીઓઇડ(Opioids) નામની દવાનો(Medicine) ઉપયોગ કરે છે.
વૈજ્ઞાનિકો જણાવે છે કે, દવાઓ વિના પણ માઈગ્રેનની સારવાર શક્ય છે. સૌ કોઈ જાણે જ છે કે યોગ અને ધ્યાન એ સ્વાસ્થ્ય માટે ખુબ જ ફાયદાકારક છે. યોગ તેમજ ધ્યાન કરવાથી ઘણા રોગો દવા લીધા વગર પણ મટી જતા હોય છે. મળતી માહિતી અનુસાર માઈગ્રેનની અસર પણ ધ્યાન અને યોગ દ્વારા ઘટાડી શકાય છે.
માઈગ્રેન રિસર્ચ ફાઉન્ડેશન અનુસાર, વિશ્વમાં 100 મિલિયન લોકો આ રોગથી પીડિત છે. મોટેભાગે 18 થી 44 વર્ષની વય વચ્ચે માઈગ્રેન સૌથી વધુ પીડાદાયક હોય છે. તેમજ આ રોગ 90% દર્દીઓમાં આનુવંશિક છે. મળતી માહિતી અનુસાર દરરોજ લગભગ 40 લાખ લોકો માઈગ્રેનની ફરિયાદ કરે છે. તેમાંથી માઈગ્રેનના 85% દર્દીઓ મહિલાઓ છે. એક રીસર્ચ દ્વારા જાણવા મળ્યું છે કે, અડધાથી વધુ દર્દીઓને 12 વર્ષની ઉંમર પહેલા માઈગ્રેનનો પ્રથમ હુમલો આવે છે.
Trending News
સંશોધન દરમિયાન, માઇગ્રેનના દર્દીઓને બે જૂથોમાં વહેંચવામાં આવ્યા હતા. પ્રથમ જૂથને સારવાર તરીકે માઇન્ડફુલનેસની પ્રેક્ટિસ કરવાનું કહેવામાં આવ્યું હતું. તે ધ્યાન, હઠ યોગ અને શ્વાસ લેવાની પદ્ધતિઓ પર ધ્યાન કેન્દ્રિત કરે છે. આ સિવાય તેમને ઘરે પણ આ પ્રેક્ટિસ કરવાનું સૂચન કરવામાં આવ્યું હતું. બીજા જૂથને ફક્ત માથાનો દુખાવો વિશે જ શીખવવામાં આવ્યું હતું. આધાશીશીના દરેક પાસાને સમજાવવામાં આવ્યું હતું. વર્ગ દરમિયાન, તેમને પ્રશ્નો અને જવાબો અને ચર્ચાઓ પૂછવામાં આવી હતી.
આ 8-અઠવાડિયાના પ્રયોગમાં જાણવા મળ્યું કે માઇન્ડફુલનેસ આધારિત સારવાર માઈગ્રેનના હુમલાને ઘટાડવામાં અસરકારક છે. મેડિટેશન અને યોગ નિયમિતપણે કરનારા લોકોમાં માત્ર માઈગ્રેન જ નહીં, પરંતુ ડિપ્રેશન અને ચિંતામાં પણ ઘટાડો થયો. બીજી તરફ શિક્ષણ મેળવતા લોકોની સ્થિતિમાં બહુ સુધારો થયો નથી. આજના યુગમાં દર્દીઓને દવાઓની સાથે જીવનશૈલીમાં પણ ફેરફાર કરવાની સલાહ આપવામાં આવે છે.
તમારા રોજિંદા જીવનમાં આ ટીપ્સને અનુસરીને, તમે ઘરે બેસીને માઇગ્રેનને ઘટાડી શકો છો:
સૌ પ્રથમ તમારી શારીરિક અને માનસિક સ્થિતિ સ્વીકારો. કોઈપણ વિક્ષેપ વિના તમારી પીઠના આધાર પર સૂઈ જાઓ. તમારી આંખો બંધ કરો અને તમારા શ્વાસની ગતિ પર ધ્યાન આપો. માથાથી પગ સુધી આખા શરીરને સ્કેન કરો. આરામદાયક સ્થિતિમાં બેસો, તમારી આંખો બંધ કરો અને ઊંડો શ્વાસ લો, પછી છોડો. શ્વાસ લેવાની આ કસરત કરવાથી મન શાંત થાય છે. તાજી હવા અને સારા વાતાવરણમાં દરરોજ 30 મિનિટ ચાલો. ચાલતી વખતે તમારા શ્વાસ પર ધ્યાન આપો. દરરોજ 20 થી 30 મિનિટ સુધી સ્ટ્રેચિંગ અને હઠ યોગ કરો.
ઉપર જણાવ્યા મુજબ ધ્યાન તેમજ યોગ કરવાથી તમારી માઈગ્રેનની બીમારીમાં ધીમે ધીમે ઘટાડો થતો જોવા મળશે. આ બીમાર સિવાય પણ યોગ તેમજ ધ્યાન કરવું એ દરેક માટે ખુબ જ ફાયદાકારક છે.
નીચે આપેલી લીંક પર ક્લિક કરીને જોડાઓ ત્રિશુલ ન્યૂઝ Trishul News સાથે. અમારું ફેસબુક પેજ લાઈક કરો અને ફોન પર અપડેટ્સ મેળવતા રહો. વોટ્સેપ પર સમાચાર મેળવવા અહીં ક્લિક કરીને Hi લખી મેસેજ કરો.