ચમત્કારિક રીતે થયો બચાવ: બારીમાં રમતાં રમતાં ચોથા માળેથી નીચે પટકાઈ બાળકી અને પછી બન્યું એવું કે…- જાણો સમગ્ર ઘટના

નવસારીમાં નાસ્તાની લારી ચલાવતા રાહુલ શર્મા અગ્રવાલ કોલેજ પાસે આવેલા બંસરી એપાર્ટમેન્ટના ચોથા માળે રહે છે. ગઈ કાલે રાત્રે 10 થી 11નાં સમય દરમિયાન માતા પિતા અને બાળકી બેડરૂમમાં બેઠા હતા. તેઓનાં બેડરૂમમાં બેડ બારીને અડીને મૂક્યો હતો.

અને બેડની બાજુમાં ખુરશી મૂકી હતી. આ દરમિયાન બાળકી ખુરશી પરથી બેડ પર ગઈ હતી અને બેડ પર રમતા રમતા બારીમાંથી નીચે પડી ગઈ હતી. સદનસીબે નીચે સિંટેક્સની ચોરસ ખાલી પાણીની ટાંકી હતી જેથી તેની પર પડતાં ઉછળીને બાજુમાં પટકાઈ હતી. પડવાનો અવાજ જોરથી આવતા આજુ બાજુના લોકો ત્યાં દોડી આવ્યા હતા.

ત્યારબાદ બાળકીને સારવાર માટે પારસી હોસ્પિટલમાં લઇ ગયા હતા. બાળકી સમાયરા હાલ ખતરાથી બહાર છે પણ વધુ સારવાર માટે ત્યાંથી શ્રદ્ધા હોસ્પિટલમાં લઇ જવાનું કહેવામાં આવ્યું હતું જેથી તેઓ શ્રદ્ધા હોસ્પિટલમાં સારવાર માટે લઈ ગયા હતા. જાણવા મળ્યું છે કે, બાળકીને માંથાનાં ભાગે ઇજા પહોંચી હતી.