ઉડાન ભર્યાની ચાર મીનીટમાં જ મુસાફરોથી ભરેલું પ્લેન આકાશમાં થઇ ગયું ગાયબ, જાણો સમગ્ર ઘટના

હાલમાં એક સમાચાર સામે આવી રહ્યાં છે. ઇન્ડોનેશિયામાં શ્રીવિજયા એરલાઇન્સનું વિમાન શનિવારે ગુમ થયું હતું. જેમાં કુલ 62 લોકો સવાર હતા. એરપોર્ટ પરથી ઉડાન ભર્યા પછી વિમાનનો કંટ્રોલ ટાવરથી સંપર્ક તૂટી ગયો હતો. દરિયામાં કેટલાક ઇલેક્ટ્રોનિક સાધનોના ટુકડા નજરે આવ્યા છે. જો કે, ગુમ થયેલ વિમાનના છે કે નહીં એની અંગેની સત્તાવાર પુષ્ટિ કરવામાં આવી નથી.

શ્રીવિજયા એરનો ગુમ થયેલ ફ્લાઇટ નંબર SJ 182 હતો. FlightRadar24 નાં મત પ્રમાણે બોઇંગ 737-500 વર્ગનું વિમાન જકાર્તાના સુકર્ણો-હટ્ટા એરપોર્ટથી ઉડાન ભરી હતી. ટેક ઓફના 4 મિનિટ બાદ વિમાન એ એર ટ્રાફિક કંટ્રોલનો સંપર્ક ગુમાવ્યો હતો. આ સમય દરમિયાન વિમાન કુલ 10,000 ફૂટની ઉંચાઇએ હતું.

અકસ્માત સ્થળે સર્ચ શિપ તથા બચાવ ટીમ મોકલવામાં આવી:
વિમાનનો જે જગ્યાએ ATCથી સંપર્ક તૂટ્યો હતો ત્યાં સમુદ્ર છે, જેથી તે ઘટનાસ્થળે સર્ચ જહાજો તથા બચાવ ટીમો મોકલી દેવામાં આવી છે. મળી રહેલ જાણકારી પ્રમાણે, આ વિમાન કુલ 26 કરતાં પણ વધારે વર્ષથી જુનું હતુ. વર્ષ 1994માં અમેરિકાની કોંટિનેંટલ એરલાઇન્સ દ્વારા ખરીદી કરવામાં આવી હતી. ત્યારપછી વિમાનને શ્રીવિજય એરલાઇન્સ દ્વારા ખરીદી લેવામાં આવ્યું હતું.

Sriwijaya Air flight #SJ182 lost more than 10.000 feet of altitude in less than one minute, about 4 minutes after departure from Jakarta.https://t.co/fNZqlIR2dz pic.twitter.com/MAVfbj73YN

— Flightradar24 (@flightradar24) January 9, 2021