મોદી એવી દુલ્હન જે રોટલી ઓછી વણે અને બંગડીઓ વધુ ખખડાવે: સિધ્ધુ

લોકસભાની ચૂંટણીમાં ભાજપ અને કોંગ્રેસના નેતાઓ એકબીજા પર ગમે તેમ બફાટ કરી રહ્યાં છે.આ બધાની વચ્ચે ભારતના ઉચ્ચ પદે બેસેલા વડાપ્રધાન મોદી માટે પંજાબની કોંગ્રેસ સરકારના મંત્રી નવજોતસિંહ સિદ્ધુએ વિવાદાસ્પદ નિવેદન કર્યું છે. જે પીએમની ગરિમાને નુકસાન પહોંચાડે તેવું છે. કહ્યું કે મોદી એવી દુલ્હન છે જે કામ ઓછું કરે છે, રોટલી ઓછી બનાવે છે અને બંગડીઓ વધુ ખખડાવે છે. જેથી આખા મહોલ્લાવાળાઓને ખબર પડે કે તેઓ કામ કરી રહ્યાં છે. ઇંદોરની ચૂંટણી સભામાં સિદ્ધુએ ભાજપ અને મોદી પર પ્રહાર કરીને કહ્યું કે કાલે અંગ્રેજને સત્તામાંથી બહાર કરવાનો સમય આવી ગયો છે.

કોંગ્રેસના સ્ટાર પ્રચારક સિદ્ધુએ મોદીને જુઠ્ઠું બોલનારા નેતા ગણાવ્યાં છે. પોતાના અંદાજમાં કટાક્ષ કર્યો કે મેં હીરો નંબર વન, કુલી નંબર વન, અને બીવી નંબર વન જેવી ફિલ્મો જોઇ છે.મોદીની નવી ફિલ્મો આવી રહી છે ફેંકુ નંબર વન, જુઠ્ઠા નંબર વન, ડિવાઇડર ઇન ચીફ સાથે જ રાફલે કૌભાંડ મામલે મોદીને અંબાણી, અદાણીના બિઝનેસ મેનેજર તરીકે ગણાવ્યાં છે.

સિદ્ધુએ કહ્યું કે મોદીજી એ દુલ્હનની જેમ છે જે રોટલી ઓછી વણે છે અને બંગડીઓ વધુ ખખડાવે છે જેથી કરીને મોહલ્લાવાળાઓને એ ખબર પડે કે તે કામ કરી રહ્યાં છે. બસ એ જ થયું મોદી સરકારમાં.