ફક્ત 10 રૂપિયાની લેતી-દેતીમાં ભરૂચમાં પાડોશીએ ધારિયાના ઘા ઝીંકીને કરી યુવાનની નિર્મમ હત્યા

સમગ્ર રાજ્યમાં ગુનાખોરીનાં પ્રમાણમાં સતત વધારો થતો જઈ રહ્યો છે ત્યારે ચોરી, લુંટફાટ જેવી ઘટનાઓમાં સતત વધારો થતો જઈ રહ્યો છે. આની સાથોસાથ હત્યાના બનાવોમાં પણ સતત વધારો થવા જઈ રહ્યો છે એમ છતાં કોઈ યોગ્ય નિર્ણય લેવામાં આવતા નથી. આજના સમયમાં 10 રૂપિયા માટે કોઈ વ્યકિતની હત્યા થાય તે વાત માન્યમાં ના આવે.

જયારે આવી જ એક સત્ય ઘટના ભરૂચમાં આવેલ મક્તમપુર બોરભાઠા બેટ વિસ્તારમાં 10 રૂપિયા જેવી મામૂલી રકમ માટે એક યુવકની હત્યા કરી હોવાની ઘટના સામે આવતા ચકચાર મચી જવા પામી છે. મૃતક યુવાને તેની પાડોશમાં જ રહેતા વ્યકિતને 10 રૂપિયા આપવાનો ઈન્કાર કરતા ઉશ્કેરાયેલ પાડોશીએ ધારિયાનો ઘા ઝીંકીને હત્યા કર્યાનો બનાવ સામે આવ્યો છે.

ભરૂચના મકતમપૂર બોરભાઠા બેટ વિસ્તારનાં ટેકરા ફળિયામાં રહેતા 45 વર્ષનાં સતપાલસિંગ રાઠોડ સવારના સમયે તેમના ઘર નજીકના ઝાડ પાસે બેઠા હતા. આ દરમિયાન તેમની પાડોશમાં રહેતા દેવન વસાવાએ તેઓને માથાના ભાગે ધારિયાના ઘા ઝીંકતા તેઓ લોહી લુહાણ થઈને ઢળી પડ્યા હતા.