June 16, 2024
ગુજરાતમાં અવાર-નવાર અંગત અદાવતમાં હુમલો કરવામાં આવતો રહે છે. અમુક વખત ખોટી આશંકાના કારણે વ્યક્તિને મોતને ઘાટ ઉતારવામાં આવતા હોય છે. ત્યારે આજ રોજ આવી જ એક ઘટના ગુજરાતના વડોદરા શહેરમાંથી સામે આવી છે. વડોદરા શહેરમાં આવેલી ગોત્રી કોવિડ હોસ્પિટલમાં નર્સ તરીકે ફરજ બજાવતી મહિલાનો મૃતદેહ મળતા સમગ્ર વિસ્તારમાં ચકચાર મચી જવા પામી છે.
દક્ષીણ ગુજરાતના વડોદરા શહેરમાં આવેલ ગોત્રી કોવિડ હોસ્પિટલમાં નર્સ તરીકે ફરજ બજાવતી મહિલાના માથામાં શિક્ષક પતિએ હથ્યાર વડે ફટકો મારી મોતને ઘાટ ઉતારી દેતાં પોલીસે હત્યારા પતિની મોડી રાત્રે ધરપકડ કરી હતી. મહિલા મોડી રાત્રે પોતાના એક્ટિવા ઉપર નોકરી જવા માટે નીકળી હતી. એ સમયે ન્યૂ વી.આઇ.પી. રોડ ઉપર પતિએ ફિલ્મી ઢબે પીછો કરી હુમલો કર્યો હતો. પત્નીના આડા સંબંધના વહેમમાં પતિએ પત્નીની હત્યા કરી હોવાની વિગતો પોલીસની પ્રાથમિક તપાસમાં બહાર આવી છે.
વડોદરા શહેરના આજવા રોડ ઉપર આવેલા અમરદીપ હોમ્સમાં શિલ્પાબહેન જયેશભાઇ પટેલ (ઉં.39) પરિવાર સાથે રહેતાં હતાં. તેમને બે સંતાન છે. શિલ્પાબહેન મેન્ટલ હોસ્પિટલમાં નર્સ તરીકે ફરજ બજાવતાં હતાં. છેલ્લા કેટલાક સમયથી તેમને ગોત્રી કોવિડ હોસ્પિટલમાં ફરજ સોંપવામાં આવી હતી.
ગત રાત્રે તેઓ ઘરેથી પોતાનું એક્ટિવા લઇને નોકરી જવા માટે નીકળ્યાં હતાં. દરમિયાન તેમની લાશ લોહીલુહાણ હાલતમાં ન્યૂ વી.આઇ.પી. રોડ વૈકુંઠ-2 સોસાયટીના દરવાજા પાસેથી મળી હતી. મહિલાની લાશ મળી હોવાની જાણ હરણી પોલીસને થતાં પોલીસ સ્થળ પર દોડી ગઇ હતી. જે-તે સમયે પોલીસે લાશનો કબજો લઇ પોસ્ટમોર્ટમ માટે સયાજી હોસ્પિટલમાં મોકલી આપી હતી.
Trending News
પતિએ પત્નીના આડા સંબંધના વહેમમાં હત્યા કરી હોવાનો પર્દાફાશ થયો
દરમિયાન પોલીસને મહિલાની હત્યા થઇ હોવાની પ્રાથમિક વિગતો મળતાં તપાસ શરૂ કરી હતી, જેમાં મહિલા આજવા રોડ ઉપર આવેલા અમરદીપ હોમ્સનાં રહેવાસી અને ગોત્રી કોવિડ હોસ્પિટલમાં નર્સ તરીકે નોકરી કરતાં હોવાની વિગતો મળી હતી. મહિલાનું નામ ખૂલ્યા બાદ પોલીસે વધુ તપાસ કરતાં પતિએ પત્નીના આડા સંબંધના વહેમમાં હત્યા કરી હોવાનો પર્દાફાશ થયો હતો. હરણી પોલીસની વધુ તપાસમાં શિલ્પાબહેન પટેલના પતિ જયેશભાઇ પટેલ પ્રાઇમરી સ્કૂલમાં શિક્ષક તરીકે નોકરી કરતા હોવાની વિગતો બહાર આવી હતી.
નર્સનું સ્થળ પર જ મોત થયું…
શિલ્પાબહેન રાત્રે ઘરેથી પોતાનું એક્ટિવા લઇને નોકરી જવા માટે નીકળ્યાં હતાં. એ દરમિયાન પતિ જયેશ પટેલે પીછો કર્યો હતો અને ન્યૂ વી.આઇ.પી. રોડ વૈકુંઠ-2 સોસાયટી પાસેથી પત્નીના માથામાં પાછળથી બોથડ પદાર્થનો ફટકો મારી ફરાર થઇ ગયો હતો. ચાલુ એક્ટિવા ઉપર શિલ્પાબહેનને માથામાં ફટકો વાગતાં જ તેઓ સ્થળ પર ફસડાઇ પડ્યા હતા અને સ્થળ પર મોતને ભેટ્યા હતા. પોલીસે મોડી રાત્રે જ પત્નીની હત્યા કરનારા શિક્ષક પતિ જયેશ પટેલની ધરપકડ કરી કાર્યવાહી હાથ ધરી હતી. ગોત્રી હોસ્પિટલનો સ્ટાફ પણ હોસ્પિટલ ખાતે પહોંચી ગયો છે.
નીચે આપેલી લીંક પર ક્લિક કરીને જોડાઓ ત્રિશુલ ન્યૂઝ Trishul News સાથે. લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે આજે જ ડાઉનલોડ કરો ત્રિશુલ ન્યુઝની એન્ડ્રોઇડ એપ મોબાઇલ એપ્લિકેશન. અથવા Google Play Store માં જઈને Trishul News સર્ચ પણ કરી શકો છો. https://play.google.com/store/apps/details?id=com.trishul.news અમારું ફેસબુક પેજ લાઈક કરો અને ફોન પર અપડેટ્સ મેળવતા રહો. અમારા ટેલીગ્રામ ગ્રુપ માં જોડાઈને મેળવો તમામ અપડેટ: https://t.me/trishulnews ગુગલ ન્યુઝમાં ફોલો કરો: http://bit.ly/TrishulNewsOnGoogle