સુરતની નવી સિવિલ હોસ્પિટલમાં છેલ્લા 15 દિવસમાં ચોથું અંગદાન- બે કિડની અને લિવરથી ત્રણને મળશે નવજીવન

Organ Donation in Surat: સુરતની નવી સિવિલ હોસ્પિટલ ખાતે છેલ્લા 15 દિવસમાં ચોથું સફળ અંગદાન થયું હતું. આ સાથે અંગદાનની સંખ્યા 56 થઈ છે. મહારાષ્ટ્રના પાલઘર જિલ્લાના લોકમાન્યા પાડા ખાતે રહેતા દિપક ભરત કાટેલાને બ્રેઈનડેડ જાહેર થતા તેઓના બે કિડની અને લિવરનું દાન (Organ Donation in Surat) થયું હતું. જેના થકી ત્રણ વ્યકિતઓને નવું જીવન મળશે.

મળતી મહિતી અનુસાર, મહારાષ્ટ્રના પાલઘર જિલ્લાના લોકમાન્યા પાડા ખાતે રહેતા અને પ્રાઈવેટ કંપનીમાં નોકરી કરતા 44 વર્ષીય દિપક ભરત કાટેલાને તા.24/01/2024 ના રોજ સવારે 07:15 ના સમયગાળામાં ચક્કર આવતા જ નીચે બેસાડ્યા હતા અને ખેચ આવવાની સાથે જ તેઓ બેભાન થઇ ગયા હતાં. ત્યાર બાદ ગામમાં આવેલ નજીકની હોસ્પિટલમાં લઇ ગયા ત્યાથી વધુ સારવાર માટે પાલઘરમાં આવેલ ખાનગી હોસ્પિટલમાં લઇ ગયા હતા.

જ્યાં વધુ ગંભીર હાલત હોવાથી 1 કલાકમાં જ વલસાડ સિવિલ હોસ્પિટલમાં લઇ જવામાં જયા ડોક્ટરની સલાહ અનુસાર તા.25/01/2024ના રોજ વહેલી સવારે 03:30 કલાકે ઇમરજન્સીમાં નવી સિવિલ હોસ્પિટલ ખાતે સારવાર અર્થે લાવીને ઇમરજન્સીમાં આઇસીયુમાં શિફ્ટ કરવામાં આવ્યા હતા. ત્યારબાદ તા.27/01/2024 ના રોજ વહેલી સવારે 03:07 વાગે RMO ડો.કેતન નાયક, ડો.નિલેશ કાછડીયા, ડો.જય પટેલ, ડો.પરેશ ઝાંઝમેરાએ બ્રેઈનડેડ જાહેર કર્યા હતા.