અ’વાદ શાળા છોડી ભાગી ગયો નવમાં ધોરણનો વિદ્યાર્થી- કલાકો વીત્યા પરંતુ નથી તો સ્કુલે પહોચ્યો નથી તો ઘરે!

Ahmedabad, Gujarat: અમદાવાદના ઠક્કરબાપાનગરમાં આવેલ રઘુવીર સ્કૂલમાંથી ધોરણ 9માં ભણતો માનવ ગઈકાલ સવારથી ગુમ થયો છે. આ અંગે ની જાણ થતાજ માનવ ના માતા-પિતાને સ્કૂલે પહોંચ્યાં. તેમણે માનવના ગુમ થવા પાછળ સ્કૂલની બેદરકારીને જવાબદાર ઠેરાવી હતી. અને સ્કૂલમાં મોટો હોબાળો પણ કર્યો હતો.

આ સાથે આજે એટલે બીજા દિવસે પણ માનવની કોઈ પણ પ્રકાર ની જાણ ન થતાં પરિવારે સ્કૂલે પહોંચી ફરી હોબાળો કર્યો હતો. આ ઘટનાને પગલે સ્કૂલ મેનેજમેન્ટ પણ દોડતું થઇ ગયું છે. સ્કૂલ દ્વારા પરિવારને યોગ્ય જવાબ ન મળવાનો આક્ષેપ કરી પોલીસ ફરિયાદ કરવા અંગે જણાવ્યું હતું.

ગુમ થયેલ વિદ્યાર્થી (માનવ) પર સ્કૂલે એસાઈમેન્ટની ચોરીનો આરોપ લગાવ્યો
સ્કૂલના સંચાલક કુલદીપભાઈ જણાવે છે કે, માનવનું એસાઈમેન્ટ ચેક કરતા તેણે અન્ય વિદ્યાર્થીનું એસાઈમેન્ટ ચોરી કર્યું હતું અને પોતાનું એસાઈમેન્ટ લાવ્યો ન હતો, જેથી તેના માતા-પિતા ને સ્કૂલે બોલાવવામાં આવ્યા હતા અને તેને કલાસ ની બહાર પણ બેસાડવામાં આવ્યો હતો. માનવના પિતા આવે તે પહેલાં જ માનવ સ્કૂલમાંથી ભાગી ગયો હતો. ધર્મેશભાઈ માનવના સગા પિતા નથી તેના સાવકા પિતા છે.

પરિવારનો આક્ષેપ સ્કૂલની બેદરકારીથી જ માનવ ગુમ થયો
પરિવારનો આક્ષેપ છે કે, સ્કૂલની બેદરકારીને કારણે જ માનવ સ્કૂલમાંથી ગુમ થયો છે. આ અંગે સ્કૂલને પણ રજૂઆત કરી છતાં સ્કૂલ તરફથી કોઈ જવાબ આપવામાં આવ્યો નથી. સ્કૂલના મેઇન ગેટ પર ચોકીદાર કે કોઈ હાજર નહોતું.​​​​​ ગઈકાલે ગુમ થયેલો માનવ હજુ સુધી ન મળતાં આજે ફરીથી પરિવારે સ્કૂલે પહોંચી હોબાળો કર્યો હતો.