પાટીલ ભાઉ અમે તમને કહીએ છીએ માસ્ક સરખું પહેરો- અમને ખબર છે DGP તમારી પાસે દંડ નહી માંગે

ગુજરાતના પ્રદેશ પ્રમુખ સી આર પાટીલને કોઈ કશું કહી નથી શકતું તેના કારણે તેઓ કદાચ માસ્ક સરખું નહી પહેરતા હોય. આજે સવારથી ભાજપના પ્રદેશ પ્રમુખ અને નવસારીના સાંસદ દેશના ઉપ રાષ્ટ્રપતિ, ગુજરાતના રાજ્યપાલ, મુખ્યમંત્રી સાથે તેઓ દાંડી સ્મારકે થી સુરત ખાતે યોજાઈ રહેલી મુખ્યપ્રધાન રૂપાણીની મીટીંગમાં સાથેને સાથે ફરી રહ્યા છે. પણ તેઓને ગુજરાતના DGPના આદેશ અનુસાર “નાક નીચે માસ્ક હશે તો પણ દંડ લેવાશે” ને ચેલેન્જ કરી રહ્યા હોય તેમ માસ્કને નાકથી ઉપર ચડાવતા જ ન હોય તેવી તસ્વીરો સામે આવી છે!

હાલ રાજ્યના મુખ્યપ્રધાન અને નાયબ મુખ્ય પ્રધાન સહિતના નેતાઓ સાથે સાથે આરોગ્ય સચિવ જયંતિ રવિ સુરત સિવિલ હોસ્પિટલ ખાતે પહોંચ્યા હતા. આ પહેલા કલેક્ટરથી લઈને પાલિકા કમિશનર, આરોગ્ય વિભાગ સાથે જોડાયેલા તમામ ઉચ્ચ અધિકારીઓ સાથે બેઠક કરી હતી. જ્યારે હાલ મુખ્યમંત્રી વિજય રૂપાણી, ડેપ્યુટી સીએમ નિતીન પટેલ સહિતનાની કોરોના સંદર્ભે જિલ્લા કલેક્ટર કચેરી ખાતે બેઠક કરી છે.