January 31, 2025
અવારનવાર પેટ્રોલ-ડીઝલ(Petrol-diesel)ના ભાવમાં સતત વધારો જોવા મળે છે પરંતુ અત્યારે જે સમાચાર સામે આવ્યા છે તે જાણીને તમને જરૂર રાહત થશે, કારણ કે રાજ્ય સરકાર દ્વારા પેટ્રોલ-ડીઝલના ભાવમાં એક સાથે 25 રૂપિયાનો ઘટાડો કરવામાં આવ્યો છે. જે એક મોટા રાહતના સમાચાર કહી શકાય.
ઝારખંડ(Jharkhand)ની હેમંત સોરેન(Hemant Soren) સરકારે મોટી જાહેરાત કરી છે. નવા વર્ષમાં રાજ્યમાં પેટ્રોલ અને ડીઝલ 25 રૂપિયા સસ્તું થશે. સરકારના બે વર્ષ પૂરા થવા પર સીએમ હેમંત સોરેને મોટી જાહેરાત કરી છે. તેમણે કહ્યું કે પેટ્રોલ અને ડીઝલના વધતા ભાવની અસર ગરીબ અને મધ્યમ વર્ગના લોકો પર પડી રહી છે. જોકે, આ સુવિધા માત્ર BPL કાર્ડ ધારકો માટે છે. મુખ્યમંત્રી હેમંત સોરેને જણાવ્યું છે કે 26 જાન્યુઆરીથી BPL કાર્ડ ધારકોને ઝારખંડમાં પેટ્રોલ અને ડીઝલ 25 રૂપિયા સસ્તું મળશે.
જણાવી દઈએ કે ઝારખંડ પેટ્રોલિયમ ડીલર્સ એસોસિએશન પણ સતત પેટ્રોલ અને ડીઝલ પર વેટના દર ઘટાડવાની માંગ કરી રહ્યું હતું. એસોસિએશન સરકાર પાસે પેટ્રોલ પર 5% વેટ ઘટાડવાની માંગ કરી રહી હતી. તેમનું કહેવું છે કે જો સરકાર વેટનો દર 22%થી ઘટાડીને 17% કરે તો લોકોને મોટી રાહત મળશે. એસોસિએશને કહ્યું કે પડોશી રાજ્યો ઝારખંડ, ઉત્તર પ્રદેશ, પશ્ચિમ બંગાળ, બિહાર અને ઓડિશામાં ડીઝલની કિંમત ઓછી છે. આવી સ્થિતિમાં ઝારખંડથી ચાલતા વાહનોને પડોશી રાજ્યોમાંથી ડીઝલ મળી રહ્યું છે. જેના કારણે તેમને નુકસાન થઈ રહ્યું છે.
Trending News
એસોસિએશનના પ્રમુખ અશોક સિંહે કહ્યું કે, પેટ્રોલિયમ ડીલરોએ મુખ્યમંત્રી હેમંત સોરેનને પત્ર લખ્યો હતો અને નાણામંત્રીને પણ મળ્યા હતા. પરંતુ આજદિન સુધી કોઈ કાળજી લેવામાં આવી નથી. અશોકે જણાવ્યું કે નાણામંત્રીને મળ્યા બાદ તેમણે આ અંગે મેમોરેન્ડમ આપ્યું હતું, પરંતુ તેમની માંગણીઓ પર વિચાર કરવામાં આવ્યો ન હતો. તેમણે કહ્યું હતું કે ઝારખંડમાં 1350 પેટ્રોલ પંપ છે, જેની સાથે 2.50 લાખથી વધુ પરિવારોની આજીવિકા સીધી રીતે જોડાયેલી છે. વેટના ઊંચા દરને કારણે ધંધાને અસર થઈ રહી છે.
કેન્દ્રએ એક્સાઈઝ ડ્યુટી ઘટાડી હતી:
આ વર્ષની શરૂઆતથી જ પેટ્રોલ અને ડીઝલના ભાવમાં સતત વધારો થઈ રહ્યો છે. આ પછી દિવાળીના અવસર પર કેન્દ્ર સરકારે લોકોને રાહત આપતા પેટ્રોલ અને ડીઝલ પરની એક્સાઈઝ ડ્યુટીમાં પાંચ અને દસ રૂપિયાનો ઘટાડો કર્યો હતો. કેન્દ્રએ પેટ્રોલ પરની એક્સાઈઝ ડ્યુટીમાં પ્રતિ લીટર 5 રૂપિયા અને ડીઝલ પર 10 રૂપિયા પ્રતિ લીટરનો ઘટાડો કર્યો હતો, જેના પછી દેશભરમાં તેલના ભાવમાં નોંધપાત્ર ઘટાડો થયો હતો. તે જ સમયે, કેન્દ્રના નિર્ણય પછી, NDA શાસિત વિવિધ રાજ્યોએ પણ પેટ્રોલ અને ડીઝલ પરના વેટમાં ઘટાડો કર્યો હતો. બિહાર, યુપી, ત્રિપુરા, મધ્યપ્રદેશ, હિમાચલ પ્રદેશ સહિત લગભગ તમામ રાજ્યોમાં વેટમાં ઘટાડો કરવામાં આવ્યો હતો. આ પછી કોંગ્રેસ શાસિત રાજ્યો રાજસ્થાન, પંજાબ, છત્તીસગઢમાં પણ તેલ પરનો વેટ ઘટાડવામાં આવ્યો હતો. તે જ સમયે, તાજેતરમાં દિલ્હીની કેજરીવાલ સરકારે પણ પેટ્રોલ પર વેટ ઘટાડ્યો હતો.
નીચે આપેલી લીંક પર ક્લિક કરીને જોડાઓ ત્રિશુલ ન્યૂઝ Trishul News સાથે. અમારું ફેસબુક પેજ લાઈક કરો અને ફોન પર અપડેટ્સ મેળવતા રહો. વોટ્સેપ પર સમાચાર મેળવવા અહીં ક્લિક કરીને Hi લખી મેસેજ કરો.