સરકારનો મોટો નિર્ણય: આવતી કાલથી તમામ ખાનગી દારૂના ઠેકાઓ પર લાગશે બ્રેક- જાણી લો નવા નિયમો

નવી દિલ્હી(New Delhi): રાષ્ટ્રીય રાજધાની દિલ્હીમાં નવી આબકારી નીતિ(Excise policy) લાગુ થયા બાદ આવતીકાલથી એટલે કે 1 ઓક્ટોબરથી તમામ ખાનગી દારૂની દુકાનો(Private liquor stores) બંધ થઇ જશે. દિલ્હી સરકારની નવી આબકારી નીતિ હેઠળ 266 ખાનગી દારૂની દુકાનો સહિત તમામ 850 દારૂની દુકાનો ખાનગી કંપનીઓને ટેન્ડર દ્વારા આપવામાં આવી છે. નવા લાઇસન્સ ધારકો 17 નવેમ્બરથી દારૂનું રિટેલિંગ(Gourmet retailing) શરૂ કરશે. જો કે, આ સમયગાળા દરમિયાન રાજ્ય સંચાલિત દારૂની દુકાનો ખુલ્લી રહેશે, જે 16 નવેમ્બર પછી બંધ રહેશે.

નવી આબકારી નીતિમાં શું ફેરફાર થશે
1. નવી નીતિ ગ્રાહક અનુભવ સુધારવા, દારૂ માફિયાઓને કાબુમાં રાખવા અને ચાંચિયાગીરીને દૂર કરીને રાષ્ટ્રીય રાજધાનીમાં દારૂના ધંધામાં સુધારો કરવાનો છે.
2. નવી આબકારી નીતિ હેઠળ, દિલ્હી સરકાર દારૂની દુકાનોને 32 ઝોનમાં વહેંચીને સમગ્ર શહેરમાં ન્યાયપૂર્ણ વિતરણ સુનિશ્ચિત કરવા માંગે છે.

3. નવી નીતિ અનુસાર, એક ઝોનમાં 8-10 વોર્ડનો સમાવેશ કરવામાં આવ્યો છે અને દરેક ઝોનમાં લગભગ 27 દારૂની દુકાનો હશે. હાલમાં, કેટલાક વોર્ડમાં 10 થી વધુ દારૂની દુકાનો છે, જ્યારે કેટલાક વોર્ડમાં કોઈ દુકાનો નથી.
4. નવી આબકારી નીતિ હેઠળ 17 નવેમ્બરથી છૂટક વેપારીઓ MRP દરે દારૂ વેચવાને બદલે સ્પર્ધાત્મક વાતાવરણમાં વેચાણ કિંમત નક્કી કરવા માટે મુક્ત રહેશે.

5. એમઆરપી એકસાઇઝ કમિશનર દ્વારા સલાહકાર તંત્ર દ્વારા નક્કી કરવામાં આવશે. જથ્થાબંધ ભાવ ગાણિતિક સૂત્ર દ્વારા નક્કી કરવામાં આવશે. જ્યારે છૂટક ભાવ સ્પર્ધાના આધારે કરવામાં આવશે.
6. નવી આબકારી નીતિ હેઠળ દિલ્હી સરકારને દારૂની દુકાનોની બિડિંગથી લગભગ 10 હજાર કરોડ રૂપિયાની આવક થવાની અપેક્ષા છે.