November 24, 2024
નવી દિલ્હી(New Delhi): રાષ્ટ્રીય રાજધાની દિલ્હીમાં નવી આબકારી નીતિ(Excise policy) લાગુ થયા બાદ આવતીકાલથી એટલે કે 1 ઓક્ટોબરથી તમામ ખાનગી દારૂની દુકાનો(Private liquor stores) બંધ થઇ જશે. દિલ્હી સરકારની નવી આબકારી નીતિ હેઠળ 266 ખાનગી દારૂની દુકાનો સહિત તમામ 850 દારૂની દુકાનો ખાનગી કંપનીઓને ટેન્ડર દ્વારા આપવામાં આવી છે. નવા લાઇસન્સ ધારકો 17 નવેમ્બરથી દારૂનું રિટેલિંગ(Gourmet retailing) શરૂ કરશે. જો કે, આ સમયગાળા દરમિયાન રાજ્ય સંચાલિત દારૂની દુકાનો ખુલ્લી રહેશે, જે 16 નવેમ્બર પછી બંધ રહેશે.
નવી આબકારી નીતિમાં શું ફેરફાર થશે
1. નવી નીતિ ગ્રાહક અનુભવ સુધારવા, દારૂ માફિયાઓને કાબુમાં રાખવા અને ચાંચિયાગીરીને દૂર કરીને રાષ્ટ્રીય રાજધાનીમાં દારૂના ધંધામાં સુધારો કરવાનો છે.
2. નવી આબકારી નીતિ હેઠળ, દિલ્હી સરકાર દારૂની દુકાનોને 32 ઝોનમાં વહેંચીને સમગ્ર શહેરમાં ન્યાયપૂર્ણ વિતરણ સુનિશ્ચિત કરવા માંગે છે.
3. નવી નીતિ અનુસાર, એક ઝોનમાં 8-10 વોર્ડનો સમાવેશ કરવામાં આવ્યો છે અને દરેક ઝોનમાં લગભગ 27 દારૂની દુકાનો હશે. હાલમાં, કેટલાક વોર્ડમાં 10 થી વધુ દારૂની દુકાનો છે, જ્યારે કેટલાક વોર્ડમાં કોઈ દુકાનો નથી.
4. નવી આબકારી નીતિ હેઠળ 17 નવેમ્બરથી છૂટક વેપારીઓ MRP દરે દારૂ વેચવાને બદલે સ્પર્ધાત્મક વાતાવરણમાં વેચાણ કિંમત નક્કી કરવા માટે મુક્ત રહેશે.
Trending News
5. એમઆરપી એકસાઇઝ કમિશનર દ્વારા સલાહકાર તંત્ર દ્વારા નક્કી કરવામાં આવશે. જથ્થાબંધ ભાવ ગાણિતિક સૂત્ર દ્વારા નક્કી કરવામાં આવશે. જ્યારે છૂટક ભાવ સ્પર્ધાના આધારે કરવામાં આવશે.
6. નવી આબકારી નીતિ હેઠળ દિલ્હી સરકારને દારૂની દુકાનોની બિડિંગથી લગભગ 10 હજાર કરોડ રૂપિયાની આવક થવાની અપેક્ષા છે.
7. દિલ્હી સરકારે કહ્યું છે કે, દારૂ વેચવાની કે પીરસવાની ઉંમર પડોશી રાજ્યોની ઉંમર સાથે અનુરૂપ હોવી જોઈએ, જ્યાં કાનૂની પીવાની ઉંમર પહેલાથી જ 21 વર્ષ છે.
8. નવી નીતિ અનુસાર, દારૂની દુકાનોમાં સારી લાઇટિંગ અને કાચના દરવાજા એર કંડિશન સાથે હોવા પડશે. દુકાનની બહાર અને અંદર CCTV કેમેરા લગાવવામાં આવશે અને એક મહિનાનું રેકોર્ડિંગ રાખવાનું રહેશે.
9. હોટેલ, ક્લબ અને રેસ્ટોરન્ટ્સ (HCR) માટેની નવી નીતિ બાર લાઇસન્સ આપતા પહેલા બહુવિધ લાઇસન્સ મેળવવાની જરૂરિયાતને દૂર કરી શકે છે. તેના બદલે, બાર લાઇસન્સ મેળવવા માટે માત્ર ફાયર એનઓસી જરૂરી રહેશે. એચસીઆરના લાઇસન્સધારકોને લાઇસન્સવાળા પરિસરમાં કોઇપણ વિસ્તારમાં કોઇપણ ભારતીય અને વિદેશી દારૂ વહેચવાની પરવાનગી આપવામાં આવશે, જો કે દારૂ વહેચતો વિસ્તાર જાહેર જનતા માટે બંધ રાખવામાં આવે.
નીચે આપેલી લીંક પર ક્લિક કરીને જોડાઓ ત્રિશુલ ન્યૂઝ Trishul News સાથે. અમારું ફેસબુક પેજ લાઈક કરો અને ફોન પર અપડેટ્સ મેળવતા રહો. વોટ્સેપ પર સમાચાર મેળવવા અહીં ક્લિક કરીને Hi લખી મેસેજ કરો.