માવા- તમાકુના વ્યસનીઓ માટે ડોકટરો મેદાનમાં- CM રૂપાણીને કરી રજૂઆત કે ગલ્લા ખોલો કારણ કે…

ગુજરાતમાં કોરોના વાયરસના કહેર વચ્ચે છેલ્લા 24 કલાકમાં 380 પોઝિટિવ કેસ આવતાની સાથે જ ગુજરાતમાં કોવિડ-19ના કુલ કેસોની સંખ્યા 6625એ પહોંચી છે. જો કે, તે પૈકી 2514 કેસ પાછલાં એક જ અઠવાડિયામાં મળ્યા છે. બીજી બાજુ કેન્દ્ર સરકાર દ્વારા પણ લોકડાઉનને 17 મે સુધી આગળ વધારવામાં આવ્યુ છે. હવે આ મામલે ગુજરાતમાં લોકડાઉનના કારણે લોકો પર તેની અસર પડી રહી છે તે વિશે ગુજરાતના મનોવિજ્ઞાનના 7 અધ્યાપકોએ મુખ્યમંત્રીને પત્ર લખ્યો છે.

રાજકોટના મનોવિજ્ઞાનના 7 અધ્યાપકોએ મુખ્યમંત્રીને જે પત્ર લખ્યો તેમાં લોકડાઉન દરમિયાન 45000 કરતા વધુ લોકોનું કાઉન્સેલિંગ કરી અધ્યાપકોએ તારણ કાઢ્યું છે. આ કાઉન્સિંલિંગમાં ચોંકાવનારો ખુલાસો થયો છે. લોકડાઉનના કારણે ગુજરાતના લોકોની ધીરજ ખૂંટી પડી છે, અધ્યાપકોએ પત્રમાં મુખ્યમંત્રીને અપીલ કરી છે કે, લોકડાઉન સિવાય કોઈ વૈકલ્પિક યોજના બનાવવામાં આવે.

આ પાત્રમાં તેમને જણાવ્યું કે વ્યસની લોકોની મનોસ્થિતિ ખૂબ જ ખરાબ છે. વ્યસન મનોશારીરિક બીમારી છે. તેની સ્વાસ્થ્ય પર અસર પડે છે. પરંતુ વ્યસનની વસ્તુ ન મળવાથી માનસિક અને શારીરિક અસરો ખૂબ જ ભયાનક આવી શકે છે. સરકાર પર લોકોને ભરોસો છે ત્યાં સુધીમાં છૂટછાટ આપવી જરૂરી છે. મોરબીમાં દુખદ ઘટના બની તેવી ઘટના ન બને તે માટે પણ પત્રમાં ઉલ્લેખ કર્યો છે. અતિ બંધન છે તેને હળવા બંધન કરવાના આવે તેવા સુચનો પણ મોકલ્યા છે.