November 05, 2024
Raghav-Parineeti Engagement News: છેલ્લા ઘણા દિવસોથી બોલિવૂડ અભિનેત્રી પરિણીતી ચોપરા (Parineeti Chopra) અને આમ આદમી પાર્ટી (AAP) ના સાંસદ રાઘવ ચઢ્ઢા (Raghav Chadha) વચ્ચેના સંબંધોના સમાચાર સામે આવી રહ્યા છે. બંને મુંબઈ અને દિલ્હીમાં સાથે જોવા મળ્યા છે. હવે એવા સમાચાર છે કે રાઘવ અને પરિણીતીએ સગાઈ કરી લીધી છે અને આ વર્ષે ઓક્ટોબરમાં બંને લગ્ન (Raghav- Parineeti Marriage News) કરી શકે છે.
પરિણીતી ચોપરાને તાજેતરમાં એરપોર્ટ પર ઘણી વખત જોવામાં આવી છે. આ દરમિયાન તેના હાથની રીંગ ફિંગરમાં એક વીંટી પણ જોવા મળી હતી, જે બાદ બંનેની સગાઈની અટકળો ચાલી રહી હતી. હવે એવું કહેવામાં આવી રહ્યું છે કે બંનેએ સગાઈ કરી લીધી છે. જો કે હજુ સુધી રાઘવ અને પરિણીતીમાંથી કોઈએ પણ આ અહેવાલો પર પોતાની પ્રતિક્રિયા આપી નથી.
ઓક્ટોબરમાં થઈ શકે છે રાઘવ- પરિણીતીના લગ્ન:
રાઘવ અને પરિણીતીની સગાઈના સમાચાર સોશિયલ મીડિયા પર આગની જેમ ફેલાઈ રહ્યા છે. એવું પણ કહેવામાં આવી રહ્યું છે કે જ્યારે પ્રિયંકા ચોપરા તેના પરિવાર સાથે ભારત આવી હતી ત્યારે બંનેએ એક જ સમયે સગાઈ કરી લીધી હતી. ચાહકો પણ બંનેને અગાઉથી અભિનંદન આપી રહ્યા છે. એવું કહેવામાં આવી રહ્યું છે કે બંને લગ્નને લઈને ઉતાવળ કરવા માંગતા નથી. હાલમાં રાઘવ અને પરિણીતી પોતાના કામ પર ધ્યાન આપવા માંગે છે. બંને આ વર્ષે ઓક્ટોબરમાં લગ્નના બંધનમાં બંધાઈ શકે છે.
Trending News
પરિણીતી મનીષ મલ્હોત્રાના ઘરે પહોંચી હતી:
હાલમાં જ પરિણીતી ચોપરા મનીષ મલ્હોત્રાના ઘરની બહાર જોવા મળી હતી, જેના પછી એવું કહેવામાં આવી રહ્યું હતું કે તે તેના લગ્નનો પોશાક પસંદ કરવા આવી હશે. બોલિવૂડના લગ્નોમાં મનીષ મલ્હોત્રાના આઉટફિટ્સની ખૂબ જ માંગ છે. રાઘવ અને પરિણીતી તેમના લગ્નમાં મનીષ મલ્હોત્રા દ્વારા ડિઝાઈન કરેલા આઉટફિટ્સ પણ લઈ શકે છે.
રાઘવ અને પરિણીતીએ રિલેશનશિપના આપ્યા હતા સંકેત:
પાપારાજીએ પરિણીતી ચોપરાને પણ લગ્ન વિશે ઘણી વાર પૂછ્યું છે. અભિનેત્રીએ પ્રશ્નોના જવાબ આપ્યા ન હતા, પરંતુ તેના ચહેરા પરનું સ્મિત કંઈપણ બોલ્યા વિના બધું જ કહી દે છે. થોડા દિવસો પહેલા રાઘવ ચઢ્ઢાએ કહ્યું હતું કે તેમની પાર્ટીને રાષ્ટ્રીય પાર્ટીનો દરજ્જો મળ્યો છે, ઉજવણી કરો અને ઉજવણી કરવાની ઘણી તકો મળશે. ચાહકોનું કહેવું છે કે પરિણીતી અને રાઘવ ઈશારામાં તેમના સંબંધો વિશે માહિતી આપી રહ્યા છે.
નીચે આપેલી લીંક પર ક્લિક કરીને જોડાઓ ત્રિશુલ ન્યૂઝ Trishul News સાથે. અમારું ફેસબુક પેજ લાઈક કરો અને ફોન પર અપડેટ્સ મેળવતા રહો. વોટ્સેપ પર સમાચાર મેળવવા અહીં ક્લિક કરો.
One Reply to “રાઘવ ચઢ્ઢા અને પરિણીતિ ચોપરાએ ચુપચાપ કરી લીધી સગાઇ! હવે આ મહિનામાં લગ્નના તાંતણે બંધાશે”