અર્થવ્યવસ્થાને લઈ રાહુલે સરકાર પર સાધ્યું નિશાન, કહ્યું: હું મહિનાઓથી કહી રહ્યો હતો તે આખરે RBIએ પણ સ્વીકાર્યું

અર્થવ્યવસ્થા અંગે કોંગ્રેસના પૂર્વ અધ્યક્ષ રાહુલ ગાંધીએ ફરી એક વખત કેન્દ્રની નરેન્દ્ર મોદી સરકારને સલાહ આપી છે. રાહુલ ગાંધીએ કહ્યું છે કે, જે અંગે હું ઘણા મહિનાઓથી ચેતવણી આપી રહ્યો હતો, તે હવે રિઝર્વ બેંક ઓફ ઇન્ડિયા (RBI) એ પણ સ્વીકાર્યું છે. રાહુલ ગાંધીએ એક ટ્વીટ દ્વારા આ વાત કહી છે. બુધવારે સવારે રાહુલે પોતાના ટ્વીટ દ્વારા એક ન્યુઝ પેપરના સમાચાર પણ શેર કર્યા છે. આ સમાચારમાં આરબીઆઈનો અહેવાલ લખ્યો છે.

આરબીઆઈના રિપોર્ટમાં (RBI Report) કહેવામાં આવ્યું છે કે, દેશમાં કોરોનાને કારણે મોટો આંચકો મળ્યો છે, ગરીબોને વધુ નુકશાન થયું છે, તેથી અર્થવ્યવસ્થાને પાટા પર લાવવામાં લાંબો સમય લાગશે. આ સિવાય રાહુલ ગાંધીએ શેર કરેલા સમાચારોમાં એમ પણ લખ્યું છે કે, સરકારે કોર્પોરેટ ટેક્સ રેટમાં જે રોકાણ ઘટાડ્યું છે તેનાથી રોકાણને પ્રોત્સાહન મળ્યું નથી, પરંતુ કંપનીઓ તેનો ઉપયોગ દેવું અને રોકડ સંતુલન ઘટાડવા માટે કરે છે.

RBI has now confirmed what I have been warning for months.

Govt needs to:
Spend more, not lend more.
Give money to the poor, not tax cuts to industrialists.
Restart economy by consumption.

Distractions through media won’t help the poor or make the economic disaster disappear. pic.twitter.com/OTDHPNvnbx

— Rahul Gandhi (@RahulGandhi) August 26, 2020

આરબીઆઈના આ અહેવાલને ટાંકીને રાહુલ ગાંધીએ ફરી એકવાર સરકારને સૂચનો આપ્યા છે. રાહુલે પોતાના ટ્વિટમાં લખ્યું કે, સરકારે હવે વધારે ખર્ચ કરવાની જરૂર છે, લોન આપવાની જરૂર નથી. ગરીબોને પૈસા આપો, ઉદ્યોગકારોનો ટૈક્સ માફ ન કરો. ખપતની સાથે અર્થવ્યવસ્થાને ફરી શરૂ કરો.” આ સૂચન આપતાં રાહુલ ગાંધીએ કેન્દ્ર સરકારને અરીસો બતાવવાની કોશિશ પણ કરી હતી. રાહુલે કહ્યું હતું કે, મીડિયા દ્વારા ડરાવવાથી ગરીબોને મદદ નહીં મળે અને આર્થિક આપત્તિ પણ દૂર થશે નહીં.