June 26, 2024
ગુજરાત(Gujarat): ભાવનગર(Bhavnagar) જિલ્લાના પાલિતાણા(Palitana) ખાતે હીરાના કારખાનામાં કામ કરતો રત્નકલાકાર યુવાન કારખાનાના ત્રીજા માળેથી અકસ્માતે(Accident) નીચે પડી ગયો હતો. આથી તેને ગંભીર ઈજાઓ સાથે હોસ્પિટલમાં દાખલ કરવામાં આવ્યો છે. આ સમગ્ર ઘટના સીસીટીવી(CCTV)માં પણ કેદ થઈ ગઈ હતી.
આ સમગ્ર ઘટના અંગે સૂત્રો પાસેથી મળતી માહિતી અનુસાર ભાવનગર જિલ્લાના પાલીતાણા શહેરમાં “પોપડા” તરીકે ઓળખાતા વિસ્તારમાં અનેક હિરાના કારખાના ચાલી રહ્યા છે. જેમાં પાલીતાણા તાલુકાના ગામડાઓમાંથી અનેક રત્નકલાકારો હિરા ઘસવાની મજૂરી કામ માટે દરરોજ આવે છે.
View this post on Instagram
પ્રાપ્ત માહિતી અનુસાર, આ વિસ્તારમાં પાલીતાણા તાલુકાના સેંજળીયા ગામનો 28 વર્ષનો યુવાન પ્રદિપ ભાવેશભાઈ ગુજરાતી નામનો રત્નકલાકાર પણ પોતાના વતનથી દરરોજ હિરા ઘસવા માટે પાલીતાણા પોપડા વિસ્તારમાં આવતો હતો. આ દરમિયાન આજરોજ સવારે નિત્યક્રમ મુજબ આ યુવાન કારખાને કામ કરવા માટે આવ્યો હતો. આ દરમિયાન યુવક ઈમારતના ત્રીજા માળે પાણી પીવા માટે ઉભો રહ્યો હતો. આ સમય દરમિયાન ચક્કર આવતા આ યુવાન ત્રીજા માળેથી નીચે પડ્યો હતો.
નીચે પટકાવાથી તે ગંભીર રીતે ઈજાગ્રસ્ત થયો હતો. જેને લઈ લોકો દ્વારા તરત જ સારવાર અર્થે પાલીતાણાના સદ્દવિચાર હોસ્પિટલમાં યુવાનને ખસેડવામાં આવ્યો હતો, જયાં તેની સ્થિતિ અત્યંત નાજુક હોવાનું સામે આવ્યું હતું. આ ઘટના ઈમારત પર લાગેલા CCTV કેમેરામાં કેદ થઇ જવા પામી છે. આ સમગ્ર ઘટનાની જાણ પાલીતાણા ટાઉન પોલીસને થતાં પોલીસ કાફલો ઘટના સ્થળે દોડી આવ્યો હતો અને આગળની તપાસ હાથ ધરવામાં આવી હતી.
Trending News
નીચે આપેલી લીંક પર ક્લિક કરીને જોડાઓ ત્રિશુલ ન્યૂઝ Trishul News સાથે. અમારું ફેસબુક પેજ લાઈક કરો અને ફોન પર અપડેટ્સ મેળવતા રહો. વોટ્સેપ પર સમાચાર મેળવવા અહીં ક્લિક કરીને Hi લખી મેસેજ કરો.