કાલે પે’લું રાજીનામું, આજે બીજું! પાટીલના ગઢમાં રાજીનામાની લાઈનો લાગી, વધુ એક દિગ્ગજ નેતાનું રાજીનામું- હજુ કેટલાના’ય…

ગુજરાત(Gujarat): દક્ષિણ ગુજરાત(South Gujarat) એ ગુજરાત ભાજપ(BJP)ના પ્રદેશ અધ્યક્ષ CR પાટિલનો ગઢ ગણવામાં આવે છે. જ્યારે CR પાટીલ(CR Patil)ના ગઢ ગણાતા એવા દક્ષિણ ગુજરાતમાં ગાબડું પડ્યું છે. વાત કરવામાં આવે તો ગઈકાલે ડાંગ જિલ્લા ભાજપ પ્રમુખ દશરથ પવારે તેમના હોદ્દા પરથી રાજીનામું ધરી દીધું હતું. ત્યારે હવે વધુ એક રાજીના માંથી દક્ષિણ ગુજરાતના રાજકારણમાં હલચલ તેજ બની છે. પ્રાપ્ત માહિતી અનુસાર આહવા ભાજપ મંડળ પ્રમુખ સંજય ડી વ્યવહારે એ પોતાના હોદ્દા પરથી સ્વૈચ્છિક પણે રાજીનામું આપી દીધું છે.

મહત્વનું છે કે ડાંગ જિલ્લામાં ભાજપનું આંતરિક વિગોહાર ચરમસીમાએ પહોંચી ગયો છે. ત્યારે વધુ એક રાજીનામું પડતા દક્ષિણ ગુજરાતનું રાજકારણ ગરમાયું છે. આહવા ભાજપ મંડળ પ્રમુખ સંજય ડી વ્યવહારે એ પોતાના પતિથી સ્વૈચ્છિક રાજીનામું આપ્યું છે. પ્રદેશ અધ્યક્ષ સી આર પાટીલને એમના લેટરપેડ ઉપર રાજીનામું મોકલી આપ્યું છે. જો વાત કરવામાં આવે તો છેલ્લા ઘણા દિવસથી ડાંગ ભાજપ સંગઠન અને ચૂંટાયેલી પાંખ વચ્ચે ખૂબ જ વિખવાદ ચાલી રહ્યો છે. ત્યારે હવે આ વિવાદ વધુ વકરે તેવી શક્યતાઓ સેવાઈ રહી છે અને બે રાજીનામાં બાદ અન્ય કેટલાય હોદ્દેદારો પણ રાજીનામાં આપે તેવી શક્યતાઓ લાગી રહી છે.

અત્રે ઉલ્લેખનીય છે કે, ડાંગ જિલ્લા ભાજપ પ્રમુખ દશરથ પવારે તેમના હોદ્દા પરથી રાજીનામું આપી દીધું હતું. ત્યારે હવે વધુ એક ભાજપ મંડળ પ્રમુખે રાજીનામું ધરી દેતા રાજકારણ ગરમાયું છે.