November 04, 2024
બ્રિટન(Britain)માં પીએમ પદના ઉમેદવાર ઋષિ સુનકે(Rishi Sunak) દિલ્હીના સીએમ અરવિંદ કેજરીવાલ(Arvind Kejriwal)ની જેમ એક મોટી જાહેરાત કરી છે. તેણે ઘરના વીજળીના બિલ(Electricity bills)માં લગભગ 200 પાઉન્ડનો ઘટાડો કરવાનું વચન આપ્યું છે. એટલે કે બ્રિટનમાં પણ કેજરીવાલ મોડલની ઝલક જોવા મળી રહી છે. વાસ્તવમાં, આમ આદમી પાર્ટીની સત્તા હેઠળ દિલ્હી-પંજાબમાં 200 યુનિટ મફત વીજળી આપવામાં આવી રહી છે.
બોરિસ જોન્સનના રાજીનામા બાદ બ્રિટનની સત્તાધારી કન્ઝર્વેટિવ પાર્ટીમાં નેતૃત્વની ચૂંટણી યોજાઈ રહી છે. આમાં ઋષિ સુનક અને લિઝ ટ્રસ વચ્ચે મુકાબલો થવા જઈ રહ્યો છે. તાજેતરના તમામ સર્વેમાં ઋષિ સુનક પાછળ હોવાનું જણાય છે. આવી સ્થિતિમાં તેમની જાહેરાત ઘણી મહત્વપૂર્ણ સાબિત થઈ શકે છે. ઋષિ સુનકે કહ્યું કે, તેઓ વીજળી બિલ પર વેટ ઘટાડશે. આનાથી બિલ પર લગભગ 200 પાઉન્ડની બચત થશે.
દિલ્હીના મુખ્યમંત્રીએ પણ આપ્યું હતું આવું વચન:
તમને જણાવી દઈએ કે આવો જ ચૂંટણી વાયદો સીએમ અરવિંદ કેજરીવાલે ચૂંટણી પહેલા દિલ્હીમાં કર્યો હતો. તેમની આ સિસ્ટમ પણ ઘણી હદ સુધી અસરકારક રહી હતી. આ સફળતા જોઈને કેજરીવાલની આમ આદમી પાર્ટીએ પંજાબમાં પણ આ ફોર્મ્યુલાનો ચૂંટણી વચન તરીકે ઉપયોગ કર્યો હતો. તેમણે મફત વીજળીના વચનને રજુ કરીને પંજાબની ચૂંટણી પણ જીતી હતી.
Trending News
આગામી પીએમ બની શકે છે સુનક:
નોંધપાત્ર વાત એ છે કે, બ્રિટનમાં PM બોરિસ જોન્સનના રાજીનામા બાદ સત્તારૂઢ કન્ઝર્વેટિવ પાર્ટી તેમના અનુગામીની પસંદગી માટે ચૂંટણી અભિયાન ચલાવી રહી છે. સપ્ટેમ્બરમાં પાર્ટીના સભ્યોના અંતિમ મતદાન દ્વારા નવા PMની પસંદગી કરવામાં આવશે. ચૂંટણી પ્રક્રિયા અનેક તબક્કામાં ચાલી રહી છે. અત્યાર સુધીના તબક્કામાં સુનાકના હરીફ વિદેશ મંત્રી લિઝ ટ્રુસ આગળ છે. અત્યાર સુધી યોજાયેલા બે ઓપિનિયન પોલમાં ટ્રસએ સુનાક પર લીડ મેળવી છે.
નીચે આપેલી લીંક પર ક્લિક કરીને જોડાઓ ત્રિશુલ ન્યૂઝ Trishul News સાથે. અમારું ફેસબુક પેજ લાઈક કરો અને ફોન પર અપડેટ્સ મેળવતા રહો. વોટ્સેપ પર સમાચાર મેળવવા અહીં ક્લિક કરીને Hi લખી મેસેજ કરો.