November 02, 2024
આ વર્ષના ટી-20 વર્લ્ડકપ(World Cup) બાદ રોહિત શર્મા(Rohit Sharma) ભારતનો આગામી વનડે અને ટી 20 કેપ્ટન(Captain) બની શકે છે. તે જ સમયે, વર્તમાન કેપ્ટન વિરાટ કોહલી(Virat Kohli) ટી-20 અને વનડે ટીમની કેપ્ટનશીપ છોડી બેટિંગ પર ધ્યાન કેન્દ્રિત કરી શકે છે. મળતી માહિતી અનુસાર આ સમાચાર સામે આવ્યા છે.
કોહલી કેપ્ટનશીપ છોડશે?
અહેવાલો અનુસાર, વિરાટ કોહલીએ આ મામલે રોહિત શર્મા અને ટીમ મેનેજમેન્ટ સાથે લાંબી વાતચીત કરી છે. પિતા બન્યા બાદ વિરાટ કોહલી બેટિંગ પર ધ્યાન કેન્દ્રિત કરવા માટે આ પગલું ભરી શકે છે. વિરાટ કોહલી ખુદ કેપ્ટનશીપ છોડવાનો નિર્ણય જાહેર કરશે. વિરાટ કોહલીનું માનવું છે કે તેણે પોતાની બેટિંગ પર ધ્યાન કેન્દ્રિત કરવાની અને વિશ્વના શ્રેષ્ઠ બેટ્સમેન બનવા માટે પાછા જવાની જરૂર છે.
રોહિત શર્મા કેપ્ટન બની શકે છે:
BCCI ના સૂત્રોએ જણાવ્યું છે કે, વિરાટ કોહલીએ કેપ્ટનશીપની જવાબદારી રોહિત શર્મા સાથે વહેંચવાનો નિર્ણય કર્યો છે. વિરાટ કોહલીએ છેલ્લા કેટલાક મહિનાઓમાં રોહિત શર્મા અને ટીમ મેનેજમેન્ટ સાથે આ મુદ્દે લાંબી ચર્ચા કરી છે. આ વર્ષે ઓસ્ટ્રેલિયાના પ્રવાસે ટીમ ઇન્ડિયાની જીત બાદથી આ વાતચીત ચાલી રહી હતી.
Trending News
કોહલીની બેટિંગ પર પડી અસર:
ત્રણેય ફોર્મેટમાં કેપ્ટનશિપના દબાણને કારણે વિરાટ કોહલીની બેટિંગ પ્રભાવિત થઈ રહી છે. કોહલીને એવું પણ લાગે છે કે, તેની બેટિંગને વધુ ફોર્મેટમાં વધુ સમય અને વધુ ગતિની જરૂર છે. કોઈપણ રીતે, 2022 અને 2023 ની વચ્ચે, ભારતે બે વર્લ્ડ કપ (વનડે અને ટી 20) રમવાના છે, તે કિસ્સામાં તે વધુ મહત્વનું બની જાય છે. સૂત્રોએ કહ્યું કે, વિરાટને એવું પણ લાગ્યું કે તમામ ફોર્મેટમાં કેપ્ટન તરીકેની તેની એકંદર જવાબદારીઓ તેની બેટિંગ પર અસર કરી રહી છે. તેને જગ્યા અને ફ્રેશનેસની જરૂર છે કારણ કે તેની પાસે હજુ પણ ટીમ માટે ઘણું બધું છે.
વિરાટ 5-6 વર્ષ સુધી ક્રિકેટ રમી શકે છે:
જો રોહિત સફેદ બોલ માટે કેપ્ટન બનશે, તો વિરાટ ટેસ્ટમાં ભારતનું નેતૃત્વ ચાલુ રાખી શકે છે અને તેની ટી 20 અને વનડે બેટિંગ પર પણ કામ કરી શકે છે. વિરાટ માત્ર 32 વર્ષનો છે અને તેની ફિટનેસને જોતા એવું કહી શકાય કે, તે હવે ઓછામાં ઓછા 5-6 વર્ષ સુધી સરળતાથી ક્રિકેટ રમશે.
8 વર્ષથી ટ્રોફીની રાહ જોવાઈ રહી છે:
ટીમ ઈન્ડિયા 8 વર્ષથી આઈસીસી ટ્રોફીની રાહ જોઈ રહી છે. ટીમે છેલ્લે એમએસ ધોનીના નેતૃત્વમાં 2013 માં ચેમ્પિયન્સ ટ્રોફી જીતી હતી. ધોનીએ ટીમ ઈન્ડિયાને ટી 20 વર્લ્ડ કપ, વનડે વર્લ્ડ કપ અને ચેમ્પિયન્સ ટ્રોફી ત્રણેયનો ખિતાબ અપાવ્યો છે. એટલું જ નહીં, તેણે ચેન્નઈ સુપર કિંગ્સને ત્રણ વખત આઈપીએલનો ખિતાબ પણ અપાવ્યો છે.
નીચે આપેલી લીંક પર ક્લિક કરીને જોડાઓ ત્રિશુલ ન્યૂઝ Trishul News સાથે. અમારું ફેસબુક પેજ લાઈક કરો અને ફોન પર અપડેટ્સ મેળવતા રહો. વોટ્સેપ પર સમાચાર મેળવવા અહીં ક્લિક કરીને Hi લખી મેસેજ કરો.