જુઓ કેવીરીતે દિલ્હીથી ડ્રગ્સ મંગાવી સુરતમાં થઇ રહ્યું છે વેચાણ- મોટા વેપલાનો થયો પર્દાફાશ

સુરત(ગુજરાત): હાલમાં પોલીસ દ્વારા ડ્રગ્સ(Drugs) અને દારૂની હેરાફેરી કરતા બુટલેગરો પર વોચ રાખીને તેમને પકડી પાડવામાં આવતા હોય છે. આ દરમિયાન, દિલ્હી નાર્કોટિક્સ કંટ્રોલ બ્યુરો(Delhi Narcotics Control Bureau)એ સુરત(surat) શહેર એસઓજીની ટીમને સાથે રાખી ઓનલાઇન એલએસડી ડ્રગ્સ(Online LSD Drugs)ના વેપલાનો પર્દાફાશ કરવામાં આવ્યો હતો. ડાર્કવેબ(Darkweb) મારફતે દિલ્હીથી ડ્રગ્સ મંગાવી લોકલ લેવલે વેચાણ કરતા અડાજણ(Adajan)નું ગોળવાળા દંપતી પકડાયું હતુ. એનસીબીની ટીમ ડ્રગ્સનો મોટો જથ્થો કબ્જે લઇ દંપતીને લઇ દિલ્હી જવા રવાના થઇ હતી. ગોળવાળાના લક્ઝુરિયસ ફ્લેટમાં સર્ચ કરતા હાઇ ક્વોલિટીનો ગણાતો 2 કિલો હાઇબ્રિડ ગાંજો(2 kg of hybrid Drugs), 100 ગ્રામ ચરસ અને 300થી વધુ નશાની ટેબલેટો મળી આવી હોવાનું જાણવા મળે છે.

યુવાધનને બરબાદીના દલદલમાં ધકેલતા ડ્રગ્સના નેટવર્કને નેસ્તનાબુદ કરવા નાર્કોટિક્સ કંટ્રોલ બ્યુરો સહિતની એજન્સીઓ સતત એલર્ટ છે. બીજી બાજુ ડ્રગ્સ માફિયાઓ પણ નવી-નવી મોડસ ઓપરેન્ડી થકી પોતાના બદઇ રાદાઓને અંજામ આપી રહ્યા છે. હાલના ડિજિટલ યુગમાં ડ્રગ્સ માફિયા ઓનલાઇન ગોરખધંધા કરતા હોવાનો પણ ખુલાસો થયો હતો. આ દરમિયાન, દિલ્હીના નાર્કોટિક્સ કંટ્રોલ બ્યુરોને ઓનલાઇન ડ્રગ્સ રેકેટ ડાર્કવેબ મારફતે ઓપરેટ થતું હોવાની માહિતી મળી હતી. જેના આધારે એનસીબીની ટીમ દ્વારા ટેકનિકલ સર્વેલન્સને આધારે વર્કઆઉટ કરવામાં આવતા એવો ઘટસ્ફોટ થયો હતો કે, સુરતમાં અડાજણ ખાતે એલપી સવાણી રોડ પર નક્ષત્ર એપાર્ટમેન્ટમાં રહેતો કૃણાલ ગોળવાલા ડાર્કવેબ મારફતે દિલ્હીથી ડ્રગ્સ મંગાવી સુરતમાં ગ્રાહકોને વેચતો હતો.

દિલ્હી એનસીબીની ટીમ દ્વારા શુક્રવારે સુરતમાં ધામા નાંખ્યા હતા. અહીં સુરત શહેર પોલીસની એસઓજીની ટીમને સાથે રાખી અડાજણમાં નક્ષત્ર એપાર્ટમેન્ટમાં રેઇડ કરી હતી. જ્યાં ગોળવાળાના લક્ઝુરિયસ ફ્લેટમાં સર્ચ કરતા હાઇ ક્વોલિટીનો ગણાતો 2 કિલો હાઇબ્રિડ ગાંજો, 100 ગ્રામ ચરસ અને 300થી વધુ નશાની ટેબલેટો મળી આવી હોવાનું જાણવા મળ્યું છે. પોલીસ દ્વારા ડ્રગ્સનો જથ્થો કબ્જે કરવામાં આવ્યો હતો. આ ઉપરાંત આ ઓનલાઇન ડ્રગ્સના ગોરખધંધામાં કૃણાલ ગોળવાળાની સાથોસાથ તેની પત્ની દિક્ષીતાની પણ સંડોવણી બહાર આવી હતી. જેથી બંનેની અટકાયત કરવામાં આવી હતી. એનસીબી ટ્રાન્ઝિટ રિમાન્ડ લઇ ગોળવાળા દંપતીને લઇ દિલ્હી નીકળી ગઇ હતી.