ગુજરાતના આ શહેરમાં બેડ ન મળતા સ્ટ્રેચર અને ખુરશીઓ પર થઇ રહી છે કોરોના દર્દીઓની સારવાર

હાલમાં આ કાળ બનતા કોરોનાએ સમગ્ર વિશ્વમાં વિકટ સ્થિતિ ઉભી કરી છે. કોરોનાની સારવાર માટે હવે તો દાખલ થવા માટે જગ્યા પણ ઓછી પડે છે. સ્મશાનોમાં પણ હવે તો લાઈનો જોવા મળે છે. આ દરમિયાન ભરૂચમાંથી એવા સમાચાર સામે આવી રહ્યા છે જે જાણીને તમને પણ આશ્ચર્ય થશે.

ભરૂચ જિલ્લામાં કોરોનાની સ્થિતિ વકરી રહી છે. એક તરફ સ્મશાનોમાં કોવિડ દર્દીઓના મૃતદેહો માટે લાઈનો પડી છે. તો બીજી તરફ, દર્દીઓનું વેઈટિંગ લિસ્ટ લાંબુલચક બની રહ્યું છે. આવામાં ભરૂચમાંથી ચોંકાવનારા દ્રશ્યો સામે આવ્યા છે. હોસ્પિટલ દર્દીઓથી હાઉસફુલ બની રહી છે.

આવામાં દર્દીઓને દાખલ થવા માટે જગ્યા પણ નથી મળી રહી. હોસ્પિટલમાં જ્યાં મળે ત્યાં દર્દીઓને બેસાડીને ટ્રીટમેન્ટ આપવામાં આવી રહી છે. ત્યારે જંબુસરની હોસ્પિટલનો આ વીડિયો જોઇને તમને શોક લાગશે. જંબુસરની અલ મહેમૂદ હોસ્પિટલનો વીડિયો વાયરલ થયો છે.

જેમાં હોસ્પિટલમાં બેડની સુવિધાનો અભાવ જોવા મળ્યો છે જેથી સ્ટ્રેચર, ખુરશીઓ પર સૂઈ લોકો સારવાર લેતા જોવા મળે છે. આવી પરિસ્થિતિ લગભગ ગુજરાતના મોટાભાગના હોસ્પિટલની છે. બેડની સુવિધાના અભાવે દર્દીઓની હાલત કફોડી બની છે.