May 13, 2024
Rules Changes From October 2023: સપ્ટેમ્બર મહિનો હવે પૂરો થવાને આરે છે અને ઓક્ટોબરનો નવો મહિનો પ્રવેશવાની તૈયારીમાં છે. નવા મહિનાની પહેલી તારીખ એટલે કે 1લી ઓક્ટોબરથી સરકારી કામકાજ અને નાણાકીય બાબતો સાથે જોડાયેલા ઘણા નિયમો બદલાવા(Rules Changes From October 2023) જઈ રહ્યા છે. જેની સીધી અસર સામાન્ય લોકોની સાથે તેમના ખિસ્સા પર પણ પડી શકે છે.
હાલમાં સપ્ટેમ્બર માસના આડે 5 દિવસ બાકી છે. આવી સ્થિતિમાં, આવા ઘણા કાર્યો છે જે તમારે 30 સપ્ટેમ્બર સુધીમાં કરવા જોઈએ. જો તમે આવું ન કરો તો તમારે મુશ્કેલીઓનો સામનો કરવો પડી શકે છે. તો ચાલો જાણીએ કે 1લી ઓક્ટોબરથી શું ફેરફારો થવાના છે.
1લી ઓક્ટોબરથી માન્ય નથી 2000 રૂપિયાની નોટ
જો તમારી પાસે પણ 2000 રૂપિયાની નોટ છે અને તમે તેને હજુ સુધી બદલી નથી, તો 30 સપ્ટેમ્બર સુધીમાં આ કામ ચોક્કસપણે પૂર્ણ કરો. વાસ્તવમાં, 30 સપ્ટેમ્બર 2023 એ બે હજાર રૂપિયાની નોટ બદલવાની છેલ્લી તારીખ છે. આ પછી હવે 2000 રૂપિયાની નોટ કામ કરશે નહીં અને તમારી નોટો નકામી થઈ જશે.
બચત યોજનાઓને આધાર સાથે લિંક કરવી જરૂરી
જો તમે હજુ સુધી તમારું બેંક એકાઉન્ટ અને નાની બચત યોજનાઓને આધાર સાથે લિંક નથી કરી, તો આટલું જલ્દી કરો. કારણ કે 30 સપ્ટેમ્બર સુધીમાં PPF, સુકન્યા સમૃદ્ધિ યોજના (SSY), પોસ્ટ ઓફિસ સ્કીમને આધાર સાથે લિંક કરવું જરૂરી બની ગયું છે. જો તમે આમ નહીં કરો તો 1 ઓક્ટોબર, 2023થી આવા એકાઉન્ટ્સ ફ્રીઝ કરી શકાય છે. આ પછી તમે તેમાં કોઈ ટ્રાન્ઝેક્શન કે રોકાણ કરી શકશો નહીં.
Trending News
નોમિનેશન રહેશે ફરજિયાત
સેબીએ ડીમેટ એકાઉન્ટ્સ, ટ્રેડિંગ એકાઉન્ટ્સ અને મ્યુચ્યુઅલ ફંડ રોકાણકારો માટે 30મી સપ્ટેમ્બર સુધીમાં નોમિનેશન ફરજિયાત બનાવ્યું છે. જો કોઈપણ ખાતાધારક 30 સપ્ટેમ્બર સુધીમાં નોમિનેશન નહીં કરે તો તેનું ખાતું 1લી ઓક્ટોબરથી ફ્રીઝ કરવામાં આવશે.
પ્રમાણપત્ર બનશે ફરજિયાત
1 ઓક્ટોબરથી સરકારી કામકાજના નિયમોમાં મોટો ફેરફાર થવા જઈ રહ્યો છે. 1 ઓક્ટોબરથી શાળા, કોલેજમાં પ્રવેશ, સરકારી નોકરીની અરજી, આધાર નોંધણી, લગ્ન નોંધણી, ડ્રાઇવિંગ લાયસન્સ માટેની અરજી, મતદાર યાદીમાં નામ ઉમેરવા અને અન્ય ઘણી બાબતો માટે પ્રમાણપત્રની જરૂર પડશે.
વિદેશ પ્રવાસ પેકેજ થશે મોંઘા
આ સાથે જ આવતા મહિનાથી વિદેશી ટૂર પેકેજ પણ મોંઘા થવા જઈ રહ્યા છે. 1 ઓક્ટોબરથી, તમારે રૂ. 7 લાખથી ઓછી કિંમતના વિદેશી ટૂર પેકેજ માટે 5 ટકા TCS ચૂકવવો પડશે. જ્યારે 7 લાખ રૂપિયાથી વધુના ટૂર પેકેજ માટે 20 ટકા TCS ચૂકવવા પડશે.
- ગુગલ ન્યુઝમાં Trishul News Gujarati ની અપડેટ મેળવવા ક્લિક કરો: Trishul News Gujarati
- નીચે આપેલી લીંક પર ક્લિક કરીને જોડાઓ ત્રિશુલ ન્યૂઝ Trishul News સાથે.
- અમારું ફેસબુક પેજ લાઈક કરો અને ફોન પર અપડેટ્સ મેળવતા રહો.
- વોટ્સેપ પર સમાચાર મેળવવા અહીં ક્લિક કરીને Hi લખી મેસેજ કરો.
- યુટ્યુબ ચેનલ સબસ્ક્રાઈબ કરીને જોતા રહો વિડીયો ન્યુઝ: Trishul News YouTube
