ભારતીય રેસ્ટોરન્ટે અંતરિક્ષમાં મોકલ્યા સમોસા પણ આગલાં જ દિવસે થયું એવું કે… જુઓ વિડીયો

સોશિયલ મીડિયા પર અવારનવાર અજીબોગરીબ જાણકારીઓ સામે આવતી હ્યો હે ત્યારે હાલમાં પણ આવી જ એક ઘટના સામે આવી રહી છે. બ્રિટનમાં એક ભારતીય રેસ્ટોરન્ટે સફળતાપૂર્વક સમોસાને અવકાશમાં મોકલ્યા હતાં પણ તે સમોસા અંતરિક્ષમાં પહોંચતા પહેલા ફ્રાન્સમાં ક્રેશ થઈ ગયું હતું. બાથ શહેરની શ્રેષ્ઠ રેસ્ટોરન્ટ્સમાંની એક, ચાયવાલા આખરે 3 પ્રયા કર્યાં બાદ સમોસા મોકલવાના તેના અંતરિક્ષ મિશનને પૂર્ણ કરવામાં સફળ રહી હતી.

સમોસાને અવકાશમાં મોકલવાનો વિચાર લઈને આવ્યા :
ચાયવાલા રેસ્ટોરન્ટના માલિક નીરજભાઈ જણાવે છે કે, તે ખુશી ફેલાવવા માંગે છે, તેથી સમોસાને અવકાશમાં મોકલવાનો વિચાર લઈને તેઓ આવ્યા હ્ત્સ. સોમરસેટ લાઇવને જણાવ્યું હતું કે, એકવખત મજાકમાં કહ્યું હતું કે, હું સમોસાને અવકાશમાં મોકલીશ. ત્યારપછી મેં વિચાર કર્યો કે, આ ધુમ્મસયુક્ત સમય વખતે આપણા બધા માટે હસવાનું આ એક કારણ હોઈ શકે છે.

ફુગ્ગાઓ તેમના હાથમાંથી સરકી ગયા :
રેસ્ટોરન્ટના માલિકે પ્રિય નાસ્તાને અવકાશમાં લોંચ કરવા માટે હિલીયમ ફુગ્ગાઓનો ઉપયોગ કર્યો હતો. તેને પહોંચાડવા માટે 3 પ્રયાસ કર્યાં હતાં. સૌપ્રથમ વાર, હિલીયમ ફુગ્ગાઓ તેમના હાથમાંથી સરકી ગયા હતાં. તેમણે જણાવ્યું હતું કે, બીજી વાર અમારી પાસે પૂરતું હિલિયમ ન હતું પણ અમે ત્રીજી વખત ત્યાં પહોંચી ગયા હતાં.

અંતરિક્ષમાં લોન્ચ કરતા દેખાયા :
YouTube પર શેર કરવામાં આવેલ આ વિડિયોમાં મિસ્ટર ગધેર તેમજ એમનાં મિત્રો સમોસાને ગોપ્રો કેમેરા તથા GPS ટ્રેકરથી રચાયેલ બલૂનની સાથે જોડ્યા બાદ અંતરિક્ષમાં લોન્ચ કરતા જોવા મળ્યા હતા. ગ્રુપ દ્વારા સમોસાને લોન્ચ કરીને જોયું કે, તે વાયુમંડળમાં ખૂબ ઉંચાઇએ ગયો છે. બલૂન આકાશમાં ઉપર જતું રહ્યુ હતું. જો કે, બીજા દિવસે તે પાછો આવ્યું અને ફ્રાન્સમાં સમોસા પડી ગયા.