શર્મસાર થયું સુરત: સિવિલ હોસ્પિટલના કર્મચારીએ દર્દીની પત્ની સાથે ગુજાર્યો બળાત્કાર

સુરત(ગુજરાત): આજકાલ રાજ્યમાં વધી રહેલા દુષ્કર્મના બનાવો દરમિયાન ફરીવાર એકવાર સુરત શર્મસાર થયું છે. જાણવા મળ્યું છે કે, સુરત શહેરના મજુરાગેટ પાસેની નવી સિવિલ હોસ્પિટલમાં દાખલ દર્દીની પત્નીનો મોબાઇલ ફોન ચોરાઈ ગયો હતો. જયાં હોસ્પિટલમાં ફરજ બજાવતાં સર્વેન્ટ યુવાને દર્દીની પત્નીને નવો મોબાઇલ ફોન અને રોકડ આપવાની લાલચ આપીને વિશ્વાસ મેળવ્યો હતો. આ ઉપરાંત, ગયા શુક્વારે રાતે વોર્ડના દાદરમાં લઇ જઇને શારીરિક સંબંધ બાંધીને સર્વન્ટ ફરાર થઇ ગયો હતો. સર્વરે આચરેલા દુષ્કર્મ અંગેની ફરીયાદ કરવા માટે હોસ્પિટલની પોલીસ ચોકીમાં દોડી ગઇ હતી. જોકે, હજી સુધી તેની કોઈ ફરીયાદ નોંધાય નથી.

જાણવા મળ્યું છે કે, નવી સિવિલ હોસ્પિટલમાં છેલ્લા કેટલાક દિવસોથી દર્દીઓના મોબાઇલ ફોન અને રોકડ સહિત ચીજવસ્તુઓ ચોરાય જવાની બાબત નવી નથી. રોજીંદા મોબાઇલ ફોન પકડાતા નથી. આ દરમિયાન, આજે એક ચોંકાવનારી વિગત બહાર આવી છે. જેમાં નવી સિવિલ હોસ્પિટલના વોર્ડમાં સારવાર લઇ રહેલા એચઆઇવી ગ્રસ્ત દર્દીની 25 વર્ષીય પત્નીનો મોબાઇલ ફોન ચોરાઈ ગયો હતો.

ત્યારબાદ હોસ્પિટલના વોર્ડમાં સર્વન્ટ તરીકે ફરજ બજાવતા રાહુલ નામના યુવાને દર્દીની પત્નીને મળીને તેના મોબાઇલ ફોન અને રોકડ રકમ આપવાની લાલચ આપીને વિશ્વાસ મેળવ્યો હતો. ત્યારબાદ વાતચીત કરીને ગયા શુક્રવારે રાતે 11 વાગ્યે વોર્ડના દાદરમાં અંધારામાં લઈ જઈ શારિરીક સંબંધ બાંધ્યો હતો. પછી સર્વન્ટે મોબાઇલ ફોન કે રોકડ આપ્યા વિના ફરાર થઇ ગયો હતો.