CAA ના વિરોધ વખતે પોલીસ પર પિસ્તોલ તાકનાર શાહરુખના કોરોનાના ડરથી કેવા થયા હાલ જાણો અહી

ઉત્તર પૂર્વી દિલ્હીમાં નાગરિકતા સંશોધન કાયદા અને રાષ્ટ્રીય નાગરિકતા રજીસ્ટર વિરુદ્ધ પ્રદર્શન દરમિયાન ફેબ્રુઆરી મહિનામાં થયેલી હિંસામાં પોલીસ કર્મી પર બંદૂક તાકનાર આરોપી શાહરૂખ પઠાણ ની જામીન અરજી પર દિલ્હી હાઈકોર્ટે પોલીસ પાસેથી જવાબ માંગ્યો છે.

હિંસાના આરોપી શાહરૂખે કોરોના વાયરસના ખતરાની વચ્ચે જેલમાં વધુ ભીડ હોવા નો હવાલો આપી જામીન દેવા માટેની માંગ કરી છે. તેના પર ન્યાયમૂર્તિ સંજીવ સચદેવા ની પીઠે વિડીયો કોન્ફરન્સના માધ્યમથી અરજીની સુનાવણી કરતા તપાસ અધિકારીઓ પાસેથી આ મામલા પર બુધવાર સુધીમાં જવાબ માંગ્યો છે. શાહરૂખની આ જામીન અરજીની સુનાવણી હવે આવતા બુધવારે થશે.

સોમવારે અધિવક્તા અસગર ખાન અને અબ્દુલ તાહિર ખાને શાહરૂખ પઠાણ તરફથી હાજર થઈને કહ્યું કે શાહરુખ વિરુદ્ધ કેસ દાખલ કરવામાં બે દિવસ મોડું કરવામાં આવ્યું. ત્યારે જ, શાહરુખે એ પણ કહ્યું કે તે પાછલા એક મહિનાથી જેલમાં સડી રહ્યો છે. ઉત્તર પૂર્વી દિલ્હીમાં ભડકેલી હિંસામાં શાહરુખે સિપાઈ દિપક દઈયા પર બંદૂક તાકી દીધી હતી. પોલીસે શાહરુખ વિરુદ્ધ ફરિયાદ દાખલ કરી હતી.