ધોળાદિવસે સુરતના જવેલર્સમાં રિવોલ્વર અને છરા લઈને ઘુસ્યા લુંટારુ, માલિકે હિંમતભેર સામનો કરી ત્રણેયને ઉભી પૂંછડીએ દોડાવ્યા- જુઓ વિડીયો

સુરત(ગુજરાત): પાંડેસરામાં જય અંબે જવેલર્સની દુકાનમાં ઘુસેલા લૂંટારુઓએ વેપારીને રિવોલ્વર બતાવી લૂંટનો પ્રયાસ કરતા હોબાળો મચી ગઇ હતી. ગ્રાહકના વેશમાં આવેલા 3 વ્યક્તિઓ ચાંદીની રિંગ ખરીદવાના બહાને લૂંટનો પ્રયાસ કર્યો હોવાનો બનાવ સામે આવ્યો છે. વેપારીએ સામનો કરતા 3 લૂંટારુઓ અલગ-અલગ દિશામાં ભાગી ગયા હતા. સમગ્ર ઘટના સીસીટીવીમાં કેદ થઈ ગઈ છે.

સંજય સોનીજે શોપના માલિક છે તેને જણાવ્યું હતું કે, સોમવારની બપોરની આ ઘટના છે. 3 અજાણ્યા વ્યક્તિઓ દુકાન બહાર બાઇક પાર્ક કરી દુકાનમાં ઘુસ્યા હતા. ચાંદીની રિંગ બતાવવાનું કહેતા મેં ડબ્બામાંથી રિંગ કાઢીને બતાવી હતી. એક રિંગ પસંદ આવી જતા ભાવ-તાલ કરી એક પછી એક દુકાનની બહાર ગયા હતા. ત્યારબાદ મોબાઈલ એપથી પૈસા લેશો એમ કહી વાત કરતા હતા.